સટ્ટાબજારમાં ભાજપને 317 બેઠકો; આ રહી રાજ્યવાર બેઠકો

Updated: Tuesday, April 29, 2014, 16:34 [IST]

ગાંધીનગર, 29 એપ્રિલ : અબુ ધાબીના શેખ ઝાયદ સ્ટોડિયમમાં ઇન્ડિયન પ્રીમિયર લીગ (આઇપીએલ)ની સાતમી સીઝન 16 એપ્રિલથી શરૂ થઇ ગઇ હોવા છતાં બુકીઓને ક્રિકેટના મહાસંગ્રામમાં કોઇ રસ નથી. બુકીઓને તો 16 મેના રોજ ખુલનારા ઇન્ડિયન પોલિટિકલ લીગના પરિણામોમાં રસ છે. આથી જ સટ્ટા બજારમાં ક્રિકેટ કરતા રાજકારણીઓ પર સટ્ટો વધારે ખેલાઇ રહ્યો છે.

ભારતમાં લોકશાહીના સૌથી મોટા ઉત્સવ લોકસભા ચૂંટણી 2014માં 814 લાખ મતદારો પોતાના અધિકારનો ઉપયોગ કરવાના છે. આ પ્રક્રિયા 36 દિવસ ચાલવાની છે. પરંતુ ચૂંટણીની જાહેરાત થયાથી જ સટ્ટા બજારમાં ભારતીય ચૂંટણીની બોલબાલા છે અને અત્યાપ સુધીમાં અબજો રૂપિયાનો સટ્ટો રમાઇ ચૂક્યો છે.

સટ્ટા બજારમાં બુકીઓએ લોકસભા ચૂંટણી 2014નું વિશ્લેષણ કર્યા બાદ પોતાની નવી આગાહીમાં નરેન્દ્ર મોદીના નેતૃત્વમાં ભાજપ અને સાથી પક્ષોને લોકસભાની 543માંથી 317 બેઠકો મળશે એવી અત્યાર સુધીની સર્વાધિક બેઠકોની આગાહી કરી છે.

દેશમાં સાતમા તબક્કાનું મતદાન 30 એપ્રિલ એટલે કે બુધવારે યોજાવા જઇ રહ્યું છે. તેમાં નરેન્દ્ર મોદીથી માંડીને રાહુલ ગાધી, સોનિયા ગાંધીની કિસ્મત દાવ પર લાગવાની છે ત્યારે આગલા દિવસે આ સટ્ટાબજારે ભાજપને રાજ્યવાર મળનારી બેઠકોના આંકડા જાહેર કરીને ધમધમાટી બોલાવી છે.

બીજી મહત્વની બાબત એ છે કે સટ્ટા બજારના બુકીઓએ ગુજરાતના મુખ્યમંત્રી અને ભાજપના વડાપ્રધાન પદના દાવેદાર નરેન્દ્ર મોદીને વડાપ્રધાન બનશે તેવા સંકેત આપી દીધા છે. બીજી તરફ કોંગ્રેસ ઉપાધ્યક્ષ રાહુલ ગાંધી વડાપ્રધાન પદની રેસમાં નથી તેવું પણ જણાવી દીધું છે. જ્યારે આપના અરવિંદ કેજરીવાલના હાલ બેહાલ ગણાવાયા છે. ત્યારે આગળ જાણીએ સટ્ટા બજારમાં કયા નેતાનો કેટલો ભાવ છે અને સટ્ટા બજારની ભાજપને કયા રાજ્યમાં કેટલી બેઠકો મળશે તેની આગાહી...