ભડકાઉ ભાષણ મામલે આઝમ ખાન દોષી કરાર, કોર્ટે સંભળાવી 2 વર્ષની સજા

2019ની લોકસભા ચૂંટણી દરમિયાન સમાજવાદી પાર્ટીના નેતા આઝમ ખાને ઉશ્કેરણીજનક ભાષણ આપ્યું હતું. આ કેસમાં, 15 જુલાઈ, શનિવારના રોજ, રામપુરની MP MLA સ્પેશિયલ કોર્ટે આઝમ ખાનને દોષી ઠેરવ્યો. આઝમ ખાનને દોષિત ઠેરવતા કોર્ટે તેને 2 વર્ષની જેલ અને 2,500 રૂપિયાનો દંડ ફટકાર્યો હતો.

વર્ષ 2019માં લોકસભા ચૂંટણી દરમિયાન ઉશ્કેરણીજનક ભાષણ આપવા બદલ આઝમ ખાન વિરુદ્ધ 18 એપ્રિલ, 2019ના રોજ રામપુરના શહઝાદ નગર પોલીસ સ્ટેશનમાં કેસ નોંધવામાં આવ્યો હતો. આઝમ ખાને ધમારા ગામમાં ચૂંટણી જાહેર સભા દરમિયાન બંધારણીય પદ પર બેઠેલા લોકો વિરુદ્ધ વાંધાજનક ટિપ્પણી કરી હતી. જેનો વીડિયો પણ સોશિયલ મીડિયા પર વાયરલ થયો હતો.

વાયરલ વીડિયોની નોંધ લેતા ADO સહકારી અનિલ ચૌહાણે આઝમ ખાન વિરુદ્ધ શહઝાદનગરમાં આ કેસ નોંધ્યો હતો. જેમાં તેમના પર મુખ્યમંત્રી, રામપુરના તત્કાલીન ડીએમ અને ચૂંટણી પંચને નિશાન બનાવીને ભડકાઉ ભાષણ કરવાનો આરોપ હતો. આ કેસમાં કોર્ટમાં બંને પક્ષકારોની દલીલોની પ્રક્રિયા પૂર્ણ થઈ હતી.

રામપુરની એમપી એમએલએ કોર્ટે આ મામલામાં ચુકાદો આપવા માટે શનિવાર, 15 જુલાઈની તારીખ નક્કી કરી હતી. MP MLA કોર્ટે આઝમ ખાનને દોષિત ઠેરવ્યા છે. મીડિયા રિપોર્ટ્સ અનુસાર, આઝમ ખાન હાલમાં જ્યુડિશિયલ કસ્ટડીમાં છે. તો ત્યાં હવે કોર્ટે આ કેસમાં આઝમ ખાનને સજાની જાહેરાત કરી છે.

એમપી એમએલએની વિશેષ અદાલતે સપા નેતા આઝમ ખાનને બે વર્ષની સજા અને અઢી હજાર રૂપિયાનો દંડ ફટકાર્યો છે. તો ત્યાં આઝમ ખાને સજા સંભળાવ્યા બાદ કોર્ટમાંથી બહાર નીકળતી વખતે મીડિયા સાથે વાત કરી હતી. આઝમ ખાને પૂછ્યું, 'તમે ચિંતા કેમ કરો છો? સજા થઈ છે. આ પછી આઝમ ખાન ત્યાંથી પોલીસની ગાડીમાં બેસીને ચાલ્યા ગયા હતા.

આઝમ ખાનને દોષી ઠેરવ્યા બાદ બીજેપી ધારાસભ્ય આકાશ સક્સેનાનું નિવેદન પણ સામે આવ્યું છે. બીજેપી ધારાસભ્યએ કહ્યું કે આવું તો થવાનું જ હતું. અમે હંમેશા સત્યને સમર્થન આપ્યું છે. હું માનતો હતો કે સત્યનો વિજય થશે. હવે આ નિર્ણય બાદ આઝમ ખાનની જીભ બંધ થઈ જશે.

તમને તમને જણાવી દઈએ કે, આ પહેલા ઓક્ટોબર 2022માં પણ આઝમ ખાનને નફરતભર્યા ભાષણના કેસમાં બે વર્ષની સજા સંભળાવવામાં આવી હતી, જેના કારણે તેમને તેમની વિધાનસભા ગુમાવવી પડી હતી. જો કે, તે કેસમાં સેશન્સ કોર્ટે રાહત આપતા તેને નિર્દોષ જાહેર કર્યો હતો.

તમને જણાવી દઈએ કે આ પહેલા ઓક્ટોબર 2022માં પણ આઝમ ખાનને નફરતભર્યા ભાષણના કેસમાં બે વર્ષની સજા સંભળાવવામાં આવી હતી, જેના કારણે તેમને તેમની વિધાનસભા ગુમાવવી પડી હતી. જો કે, તે કેસમાં સેશન્સ કોર્ટે રાહત આપતા તેને નિર્દોષ જાહેર કર્યો હતો.

English summary

Azam Khan pleads guilty in inflammatory speech case, court pronounces 2 years sentence