અવધેશ રાય હત્યાકાંડ: મુખ્તાર અંસારીને આજીવન કેદની સજા, 1 લાખ વીસ હજારનો કરાયો દંડ

Updated: Monday, June 5, 2023, 16:45 [IST]

બાંદા જેલમાં બંધ મુખ્તાર અંસારીને વારાણસીની MP MLA કોર્ટમાં અવધેશ રાય હત્યા કેસમાં દોષી ઠેરવવામાં આવ્યો છે. આ કેસમાં કોર્ટે મુખ્તાર અંસારીને આજીવન કેદની સજા ફટકારી છે, આ ઉપરાંત મુખ્તાર અંસારીને એક લાખ વીસ હજાર રૂપિયાનો દંડ પણ ફટકારવામાં આવ્યો છે.

મુખ્તાર અંસારીને સોમવારે બપોરે 2 વાગ્યે સ્પેશિયલ જજ એમપી એમએલએ કોર્ટ અવનીશ ગૌતમ દ્વારા સજા સંભળાવવામાં આવી હતી. આ કેસમાં પોલીસની ચાર્જશીટ અને ઉલટતપાસ અને જુબાની બાદ સોમવારે કોર્ટે ચુકાદો સંભળાવ્યો હતો. સુરક્ષાને ધ્યાનમાં રાખીને આ દરમિયાન કોર્ટ પરિસરની બહાર પોલીસ ફોર્સ તૈનાત રાખવામાં આવ્યો હતો.

સોમવારે બાંદા જેલમાં બંધ મુખ્તાર અંસારીને વીડિયો કોન્ફરન્સિંગ દ્વારા રજૂ કરવામાં આવ્યો હતો. પ્રોડક્શન બાદ બપોરે 12 વાગ્યે મુખ્તાર અંસારીને આ કેસમાં દોષિત ઠેરવવામાં આવ્યો હતો. જે બાદ કોર્ટ દ્વારા 2 વાગે સજા સંભળાવવાનો મામલો સામે આવ્યો હતો. બહુચર્ચિત કેસના કારણે વારાણસી સહિત પૂર્વાંચલના વિવિધ જિલ્લાના લોકો મુખ્તાર અન્સારી સામે સંભળાવવામાં આવનાર સજા પર નજર રાખી રહ્યા હતા.