એક્ટર અરમાન કોહલીએ પોતાની ગર્લફ્રેન્ડને ખરાબ રીતે મારી, કેસ નોંધાયો

બોલિવૂડ એક્ટર અરમાન કોહલીએ પોતાની ગર્લફ્રેન્ડ સાથે મારપીટ કરી છે. અરમાન કોહલીએ તેને એટલી ખરાબ રીતે મારી છે કે તેને ગંભીર હાલતમાં હોસ્પિટલમાં દાખલ કરવામાં આવી છે.

By Prajapati Anuj

Published: Tuesday, June 5, 2018, 10:16 [IST]

બોલિવૂડ એક્ટર અરમાન કોહલીએ પોતાની ગર્લફ્રેન્ડ સાથે મારપીટ કરી છે. અરમાન કોહલીએ તેને એટલી ખરાબ રીતે મારી છે કે તેને ગંભીર હાલતમાં હોસ્પિટલમાં દાખલ કરવામાં આવી છે. બિગબોસમાં લોકોએ અરમાન કોહલીના ગુસ્સાને જોયો છે. પરંતુ રિયલ લાઈફમાં તેને હદ પાર કરી નાખી છે.

સ્પોટબોય રિપોર્ટ અનુસાર એક્ટર અરમાન કોહલીએ પોતાની ગર્લફ્રેન્ડ મીનુ રંધાવા સાથે મારપીટ કરી છે. મીનુને કોકિલાબેન હોસ્પિટલમાં દાખલ કરવામાં આવી છે. અરમાન કોહલીની ગર્લફ્રેન્ડ ઘ્વારા સાંતા ક્રુઝ પોલીસ સ્ટેશને ફરિયાદ પણ નોંધાવવામાં આવી છે. તેને કહ્યું કે અરમાન કોહલીએ ગુસ્સામાં નિર્દયતાપૂર્વક તેની સાથે મારપીટ કરી છે. મીનુ રંધાવાની ફરિયાદ પર પોલીસે અરમાન વિરુદ્ધ આઇપીસી એક્શન 326 હેઠળ કેસ નોંધી લીધો છે. દોષી સાબિત થવા પર અરમાન કોહલી ને 7 વર્ષની સજા પણ થઇ શકે છે.

આ પહેલા પણ અરમાન કોહલીની ગર્લફ્રેન્ડ રહી ચુકેલી મુનમુન દત્ત ઘ્વારા પણ અરમાન પર મારપીટ કરવાનો આરોપ લગાવ્યો હતો. બિગ બોસમાં આવ્યા પછી અરમાન કોહલી અને કાજોલની બહેન તનિષા મુખરજી નજીક આવ્યા હતા. પરંતુ શૉ પત્યા પછી બંનેનું બ્રેકઅપ થઇ ગયું હતું.

Published On June 5, 2018