આંધ્ર પ્રદેશઃ ચૂનાની ખાણમાં ભયંકર વિસ્ફોટ, 5 મજૂરના મોત અને 4 લાપતા

આંધ્રપ્રદેશના કડપ્પા જિલ્લામાં શનિવારે ભયંકર વિસ્ફોટ થયો. મામિલપલ્લે ગામમાં આવેલ એક ચૂનાની ખાણમાં જોરદાર વિસ્ફોટ થયો. આ ઘટનામાં 5 લોકોનાં મોત થયાં છે જ્યારે 4 મજૂર હજી પણ લાપતા જણાવવામાં આવી રહ્યા છે. જણાવવામાં આવી રહ્યું છે કે ડેટોનેટર્સને બીજી જગ્યાએ લઈ જવામાં આવી રહ્યા હતા તે સમયે આ ઘટના બની.

આ ધમાકેમાં મૃત્યુ પામનાર શખ્સોના દેહની ઓળખ કરવી પણ બહુ મુશ્કેલ થઈ રહી છે. પોલીસે માત્ર 5 મૃતદેહની જ ઓળખ કરી છે, જ્યારે 4 દેહ લાપતા છે. પોલીસ અધિકારીઓએ જણાવ્યું કે મૃતકોમાંથી કેટલાક પુલિવેંદુલા ચૂંટણી ક્ષેત્રના હતા. પુલિવેંદુલા મુખ્યમંત્રી વાઈ એસ જગનમોહન રેડ્ડીનો ચૂંટણી વિસ્તાર છે. ખુદ મુખ્યમંત્રીએ આ ઘટનાની જાણકારી મેળવી અને તપાસના આદેશ આપ્યા છે.

રિપોર્ટ મુજબ કડપ્પાના એસપી કેકેએન અંબુરાજને જણાવ્યું કે અત્યાર સુધી 5 મૃતકોની ઓળખ થઈ શકી છે. શરૂઆતી રિપોર્ટમાં માલૂમ પડ્યું કે ડેટોનેટરને કારણે આ ધમાકો થયો છે. તપાસ બાદ વધુ જાણકારી સામે આવશે.

English summary

Andhra pradesh: massive explosive killed many workers