'Amul Girl' બનાવનાર દિગ્ગજ સિલ્વસ્ટર દાકુન્હાનુ 80 વર્ષની વયે નિધન

Amul Girl: 'અમૂલ ગર્લ'ના ક્રિએટર સિલ્વેસ્ટર દાકુન્હાનુ નિધન થયુ છે. અમૂલ ગર્લ અભિયાન માટે હંમેશા સિલ્વેસ્ટરને યાદ કરવામાં આવશે. તેમણે 1960માં અમૂલ ગર્લ બનાવી હતી. અમૂલ ઈન્ડિયા દ્વારા સિલ્વેસ્ટરના મૃત્યુની માહિતી આપવામાં આવી છે.

ગુજરાત કો-ઓપરેટિવ, મિલ્ક માર્કેટિંગ ફેડરેશનના મેનેજિંગ ડાયરેક્ટર જયેન મહેતાએ ટ્વિટ કરીને જણાવ્યું કે, તમને જણાવતા ખૂબ જ દુઃખ થાય છે કે શ્રી સિલ્વેસ્ટર દાકુન્હાનું મંગળવારે રાત્રે મુંબઈમાં નિધન થયું છે. તેમના પરિવારમાં પત્ની નિશા અને દીકરો રાહુલ દાકુન્હા છે.

અમૂલ ઈન્ડિયાના જીએમ માર્કેટિંગ પવન સિંહે કહ્યુ, 'એ જાણીને બહુ દુઃખ થયુ કે સિલ્વેસ્ટર દા કુન્હા હવે આપણી વચ્ચે નથી. લગભગ 3 દશકમાં તેમની પાસેથી સંચાર અને જાહેરાતની કલા શીખવી એક સમ્માનની વાત હતી.'

તમને જણાવી દઈએ કે સિલ્વેસ્ટરે અમૂલના અટર્લી બટર્લી અભિયાનની શરૂઆત કરી હતી. 1966માં તેમણે અમૂલ ગર્લ બનાવી, જે આજ સુધી ચાલુ છે. અમૂલ ગર્લ એડને તેમની ખાસ જાહેરાત માટે ખૂબ પસંદ કરવામાં આવે છે.

કોંગ્રેસના વરિષ્ઠ નેતા જયરામ રમેશે પણ સિલ્વેસ્ટરના નિધન પર શોક વ્યક્ત કર્યો છે. જયરામ રમેશે કહ્યું કે આઇકોનિક લીટર વી કુરિયને તેમની જબરદસ્ત પ્રતિભાને ઓળખ આપી હતી.

તૃણમૂલ કોંગ્રેસના નેતા ડેરેક ઓ'બ્રાયને પણ સિલ્વેસ્ટર દા કુન્હાને યાદ કર્યા અને તેમને જાહેરાતના દિગ્ગજ ગણાવ્યા. તેમણે અમૂલ ગર્લની એડ શેર કરીને સિલ્વેસ્ટરને શ્રદ્ધાંજલિ આપી હતી.

તમને જણાવી દઈએ કે અમૂલની જાહેરાત 1966માં શરૂ થઈ હતી. બૉમ્બે એડવર્ટાઇઝિંગ એજન્સી એન્ડ સેલ્સ પ્રમોશન (એએસપી) ને અમૂલના વડા ડૉ. વર્ગીસ કુરિયન દ્વારા બ્રાન્ડ ઝુંબેશની જવાબદારી સોંપવામાં આવી હતી.

તે સમયે, ટેલિવિઝન અને પ્રિન્ટ મીડિયા પર જાહેરાતો ખૂબ ખર્ચાળ હતી. જાહેરાત એજન્સીના સર્જનાત્મક વડા સિલ્વેસ્ટર દાકુન્હાએ જાહેરાતની જવાબદારી લીધી અને ઓછા ખર્ચે આઉટડોર હોર્ડિંગ્સ તૈયાર કર્યા.

આ દરમિયાન સિલ્વેસ્ટર દાકુન્હાએ અમૂલ ગર્લ બનાવી જ્યારે તેમની પત્ની નિસા દાકુન્હાએ તેની ટેગલાઈન 'Utterly Butterly Amul' આપી. દેશના બાળકોના હોઠ પર આ વાત ચડી ગઈ અને આજે પણ 'અમૂલ ગર્લ' આ કંપનીની ઓળખ છે.

Very sorry to inform about the sad demise of Shri Sylvester daCunha, Chairman of daCunha Communications last night at Mumbai
A doyen of Indian advertising industry who was associated with Amul since 1960s. The Amul family joins in mourning this sad loss @RahuldaCunha

ॐ Shanti 🙏 pic.twitter.com/cuac1K6FSo

— Jayen Mehta (@Jayen_Mehta) June 21, 2023

English summary

'Amul Girl' creator Sylvester daCunha passed away at the age of 80.