ADR Report : રાજ્યસભામાં અરબપતિઓનો દબદબો, 27 સાંસદો પાસે 100 કરોડથી વધુની સંપતિ

રાજનીતિમાં હંમેશા અરબપતિઓનો દબદબો રહ્યો છે. સીધી રીતે અથવા આડકરતી રીતે રૂપિયા રાજનીતિમાં મહત્વનો રોલ ભજવે છે. હવે એડીઆરના રિપોર્ટમાં ચૌકાવનારો ખુલાસો થયો છે. આ રિપોર્ટમાં સામે આવ્યુ છે કે રાજ્યસભામાં 12 ટકા સાંસદો પાસે અરબ રૂપિયાની સંપતિ છે.

ADRના રિપોર્ટ અનુસાર, રાજ્યસભાના હાલના સાંસદોમાંથી લગભગ 12 ટકા પાસે 100 કરોડથી વધુની સંપતિ છે. આમાંના મોટાભાગના સાંસદો આંધ્રપ્રદેશ અને તેલંગાણાના છે.

રાજ્યસભાની સ્થિતી પર નજર કરીએ તો, હાલ રાજ્યસભામાં એક બેઠક ખાલી છે અને ત્રણ સાંસદોનું વિશ્લેષણ નથી કરાયુ. તેમની એફિડેવિટ ઉપલબ્ધ નથી અને જમ્મુ અને કાશ્મીરમાં ચાર બેઠકો અવ્યાખ્યાયિત છે.
આ રિપોર્ટમાં કહેવાયુ છે કે 100 કરોડ રૂપિયાથી વધુની સંપત્તિ ધરાવતા અબજોપતિ સાંસદો સૌથી વધુ બીજેપીના છે. આ પછી કોંગ્રેસ અને YSRCPનો નંબર આવે છે.

રાજ્ય અનુસાર વાત કરીએ તો, આંધ્રપ્રદેશના 11માંથી 5 સાંસદો, તેલંગાણાના 4માંથી 3 સાંસદો , મહારાષ્ટ્રના 19માંથી 3 સાંસદો, મહારાષ્ટ્રના 19માંથી 3 સાંસદો, દિલ્હીના 3 સાંસદોમાંથી 1 સાંસદ, પંજાબના 7 સાંસદોમાંથી 2, હરિયાણાના 5માંથી 1 અને મધ્યપ્રદેશના 11માંથી 2 ની સંપત્તિ 100 કરોડ રૂપિયાથી વધુ છે.

રિપોર્ટ અનુસાર, તેલંગાણાના 7 સાંસદોની કુલ સંપત્તિ 5,596 કરોડ રૂપિયા છે. આંધ્ર પ્રદેશના 11 સાંસદોની કુલ સંપત્તિ 3,823 કરોડ રૂપિયા છે અને ઉત્તર પ્રદેશના 30 સાંસદોની કુલ સંપત્તિ 1,941 કરોડ રૂપિયા છે.

આ સાંસદોમાં બીજેપીના 85માંથી 6, કોંગ્રેસના 30માંથી 4, YSRના 9માંથી 4, AAPના 10માંથી 3, TRSના 7માંથી 3 અને RJDના 6માંથી 2 હાલમાં રાજ્યસભા સાંસદ અબજોપતિ છે.

English summary

ADR Report: 27 Rajya Sabha MPs have assets of more than 100 crores