હાવડામાં અભિનેત્રીને લૂંટારાઓએ ગોળી મારી, જાણો કેવી રીતે પુરી ઘટના ઘટી?

અભિનેત્રી પરિવાર સાથે કોલકત્તા જઈ રહી હતી. આ ઘટના વહેલી સવારે બની હતી. ઘટના સમયે તેઓએ ટોયલેટ માટે કાર રોકી હતી. આ દરમિયાન ત્રણ લોકો લૂંટના ઈરાદે આવ્યા હતા.

By Desk

Published: Thursday, December 29, 2022, 14:48 [IST]

હાવડા : પશ્ચિમ પંગાળના હાવડામાં અભિનેત્રી ઈશા આલિયાને લુંટારૂઓએ ગોળી મારી હોવાના સમાચાર છે. મળતી વિગત અનુસાર, ઈશા આલિયા તેના પતિ અને પુત્રી સાથે પ્રવાસ કરી રહી હતી ત્યારે હાઈવે પર આ ઘટના ઘટી છે. મુળ ઝારખંડની અભિનેત્રી ઈશા આલિયાને લૂંટારૂઓ નજીકથી ગોળી મારીને ફરાર થઈ ગયા છે અને પોલીસે ઘટનાની તપાસ શરૂ કરી છે.

ઘટના બાદ અભિનેત્રીના પતિએ આપેલી માહિતી અનુસાર, અભિનેત્રી પરિવાર સાથે કોલકત્તા જઈ રહી હતી. આ ઘટના વહેલી સવારે બની હતી. ઘટના સમયે તેઓએ ટોયલેટ માટે કાર રોકી હતી. આ દરમિયાન ત્રણ લોકો લૂંટના ઈરાદે આવ્યા હતા. લૂંટ દરમિયાન અભિનેત્રીએ વિરોધ કરતા લૂંટારૂએ ગોળી મારી દીધી હતી. હાલ પોલીસે ઘટનાની તપાસ શરૂ કરી છે.

અભિનેત્રીના પતિએ ઘટના મુદ્દે વધુમાં જણાવ્યુ કે, ત્રણ લૂંટારુઓ હતા. તેમની પુત્રી પણ તેમની સાથે હતી. ઈશા ઇચ્છતી હતી કે તે કારને બાજુ પર ઉભી રાખે તેથી પુત્રીને ખવડાવી શકે. આ દરમિયાન અચાનક એક સફેદ રંગની કાર આવી અને ત્રણ લોકો નીચે ઉતર્યા અને હુમલો કર્યો. આ અભિનેત્રીએ બુમો પાડતા એકે તેને ગોળી મારી દીધી હતી.

આ મુદ્દે સ્થાનિકોના જણાવ્યા અનુસાર, આ ઘટના બની છે ત્યાં સવારે લોકોની અવરજવર ઓછી હોય છે. ઘટના બાદ અભિનેત્રીના પતિને મદદ માટે બે કિમી દુર જવું પડ્યું હતું. આ પછી અભિનેત્રીને ઉલુબેરિયા હોસ્પિટલમાં લઈ જવામાં આવી, જ્યાં ડોક્ટરોએ તેને મૃત જાહેર કરી છે. હાલ પોલીસ ટીમ તપાસ કરી રહી છે. આ સાથે ત્યાંથી થોડે દૂર આવેલી એક ફેક્ટરીના સીસીટીવી ફૂટેજ તપાસવામાં આવી રહ્યા છે.

Published On December 29, 2022