મુંબઇમાં ડ્રંક એન્ડ ડ્રાઇવ મામલે 840ની ધરપકડ

Published: Tuesday, January 1, 2013, 14:20 [IST]

મુંબઇ, 1 જાન્યુઆરી: મુંબઇમાં 31 ડિસેમ્બરની રાત્રે ડ્રંક એન્ડ ડ્રાઇવના 840 જેટલા મામલા સામે આવ્યા છે. મુંબઇ પોલીસે નવા વર્ષની આગલી રાત્રે 840 જેટલા ડ્રંક ડ્રાઇવરોની ધરપકડ કરી હતી. પોલીસે પકડાયેલા તમામની સામે કડક કાર્યવાહી આરંભી છે.

લગભગ 1800 પોલીસ જવાનો નવા વર્ષની પૂર્વસંધ્યાએ લોકોની સુરક્ષા માટે ફરજ પર ઉતર્યા હતા. પોલીસના જણાવ્યા અનુસાર આ લોકોની સામે લાયસન્સ રદ કરવા જેવી કાર્યવાહી પણ થઇ શકે છે.

મુંબઇમાં કોઇ પણ અપ્રિય ઘટના ના ઘટે તેના કારણે દરેક સ્થળોએ નાકાબંદી કરવામાં આવી હતી. આ દરમિયાન દારૂ પીને ગાડી ચલાવનાર 840 લોકો પોલીસના હાથે ઝડપાઇ ગયા.

જોકે દારૂ પીને ગાડી ડ્રાઇવ નહી કરવાની ચેતવણી મુંબઇ પોલીસે પહેલેથી જ આપી દીધી હતી. છતાં પણ પોલીસની ચેતવણીને અવગણી લોકોએ દારૂ પીને ડ્રાઇવ કર્યું અને પોલીની બાજ નજરમાં પકડાઇ ગયા.

Published On January 1, 2013