આ પાંચ કારણોથી છે નમો સરકાર Perfect સરકાર...!

Updated: Wednesday, June 18, 2014, 14:20 [IST]

નવી દિલ્હી, 18 જૂન: નરેન્દ્ર મોદીની સરકારે દેશ અને દુનિયા ખૂબ જ આશા ભરેલી નજરોથી જોઇ રહી છે. સત્તામાં આવ્યા પહેલા ભાજપ દ્વારા આપવામાં આવેલા વચનોએ જનતાના મનમાં એક સારા ભવિષ્ય માટેનો વિશ્વાસ પેદા કર્યો છે. જે યૂપીએ સરકાર ગુમાવી બેઠી હતી. પરંતુ જે રીતે નરેન્દ્ર મોદીએ જનતામાં પોતાનો વિશ્વાસ પેદા કર્યો છે તે રીતે તેમણે અને તેમના કેબિનેટે જનતાના વિશ્વાસ પર ઊણા ઉતરવું પડશે. પરંતુ આ પડકારોની સાથે નરેન્દ્ર દામોદરદાસ મોદીની આ 24 કેબિનેટ સભ્યોની સરકારમાં એવી કઇ બાબત છે જે તેને યૂપીએ સરકાર કરતા એક પરફેક્ટ સરકાર બનાવે છે.

કહેવાય છે કે યૂપીએની સરકારમાં મોટાભાગના મંત્રીઓ વેલ એજ્યુકેટેડ હતા. અહીં સુધી પૂર્વ વડાપ્રધાન મનમોહન સિંહ પણ જાણીતા અર્થશાસ્ત્રી હતા. તેમ છતાં તેમના શાસનમાં સૌથી વધારે કૌભાંડો અને મીસમેનેજમેન્ટ જેવી સ્થિતિ જોવા મળી છે. પરંતુ નરેન્દ્ર મોદીનું કેબિનેટ જરા હટકે છે, મોદીના કેબિનેટમાં મહિલાઓનું પ્રભુત્વ પણ જોવા મળે છે. અને એવું કહેવમાં આવે છે કે મોદી સરકાર પહેલા દિવસથી જ હરકતમાં આવી ગઇ હતી.

આવો એક નજર કરીએ એ પાંચ કારણો પર જે મોદી સરકારને પરફેક્ટ સરકાર બનાવે છે....

મહિલાઓની સારી એવી ભાગીદારી

નરેન્દ્ર મોદીના 24 કેબિનેટ સભ્યોમાં 6 મહિલાઓનો સમાવેશ થાય છે. અથવા એવું કહી શકાય કે કેબિનેટમાં એક ચતુર્થાંશ સભ્યો મહિલા છે. સુષમા સ્વરાજ, નેજમા હેપતુલ્લા, સ્મૃતિ ઇરાની, મેનકા ગાંધી, ઉમા ભારતી અને હરસિમરત કૌર બાદલને કેબિનેટમાં મહત્વપૂર્ણ જવાબદારી સોંપાઇ છે. મોદી સરકારે એતો સ્પષ્ટ કરી દીધું છે કે આ સરકાર મહિલાઓના હિતમાં કામ કરવાથી પાછળ નહી હટે. વડાપ્રધાન નરેન્દ્ર મોદીએ પોતાના કેબિનેટમાં 24 મંત્રીઓને રાખ્યા છે. જ્યારે યૂપીએ સરકારે પોતાના કેબિનેટમાં 28 મંત્રીઓને રાખ્યા હતા.

મૂડીવાદીઓને સ્થાન નથી

કૂલ સંપત્તિના મામલામાં આ કેબિનેટ પાછલા કેબિનેટ કરતા ખૂબ જ પાછળ છે. આ સરકારની જ્યાં એવરેજ સંપત્તિ 4.7 કરોડની છે. જ્યારે પાછલી સરકારમાં આ એવરેજ 13 કરોડની હતી. મોદી સરકારના કેબિનેટમાં સૌથી વધારે સંપત્તિ ધરાવતા સભ્યો અરૂણ જેટલી છે. જેમની પાસે કુલ 113 કરોડની સંપત્તિ છે.

યુવાન સરકાર

યુવાન સરકાર માનવામાં નમો સરકારની આ સૌથી મોટી સકારાત્મક પાસુ છે. આ કેબિનેટમાં એક બાજુ જ્યાં ઓછી ઉંમર ધરાવતી સ્મૃતિ ઇરાની છે. જ્યારે કેબિનેટમાં અત્યાર સુધી સૌથી મોટી ઉંમરની મહિલા નેજમા હેપતુલ્લાનો પણ સમાવેશ થાય છે. મોદી સરકારે આ કેબિનેટની એવરેજ ઉંમર 60 વર્ષ છે, જ્યારે પાછલી સરકારમાં આ 68 વર્ષ હતી.

પરિવારવાદમાં ઊણપ

નરેન્દ્ર મોદીએ યૂપીએ સરકાર પર હંમેશા પરિવારવાદને લઇને નિશાનો સાધ્યો છે. માટે પોતાના કેબિનેટની રચના વખતે તેમણે આ વિષય પર ગંભીરતાથી ધ્યાન આપ્યું છે. મોદીના કેબિનેટમાં માત્ર ત્રણ જ નામ એવા છે, જે રાજનૈતિક પરિવાર સાથે ઘરોબો ધરાવતા હોય. જ્યારે યૂપીએ સરકારમાં તેની સંખ્યા પાંચ હતી.

હાઇ એજ્યુકેશન માટે ભારત બેસ્ટ

નરેન્દ્ર મોદી કેબિનેટના લગભગ તમામ સભ્યોએ ભારતમાં જ ઉચ્ચ શિક્ષણ પ્રાપ્ત કર્યું છે. નેજમા હેપતુલ્લા સિવાય તમામ સભ્યોએ સ્વદેશમાં જ પોતાનું શિક્ષણ પુરુ કર્યું છે. જ્યારે યૂપીએ સરકારમાં વિદેશ જઇને શિક્ષણ મેળવનાર સભ્યોની સંખ્યા 8 હતી. યૂપીએ અને એનડીએ બંને સરકારોમાં લૉની ડિગ્રી ધરાવતા સભ્યોની સંખ્યા 9 છે.