ભાવનગરની સિહોર GIDCની ફેક્ટરીમાં થયો અચાનક બ્લાસ્ટ, ચાર કામદારોને ગંભીર ઈજા

ભાવનગર સિહોર તાલુકાના GIDC-1 બ્લાસ્ટની ઘટના બની હતી. GIDC-1માં આવેલ રોલિંગ મિલમાં બ્લાસ્ટની ઘટના બની છે. આ ઘટનામાં કુલ ચાર શ્રમિકોને ગંભીર ઈજા પહોંચી છે. તમામ ઘાયલોને સિહોર હોસ્પિટલ ખાતે ખસેડવામાં આવ્યા છે.

લોખંડના સળીયા બનાવતી કંપનીની અંદર આ ઘટના બની છે. જેમાં અચાનક જ બ્લાસ્ટ થયો હતો. આ બ્લાસ્ટની ઘટનામાં ચાર મજૂરો દાઝી ગયા હતા.

સિહોર તાલુકાના જીઆઇડીસી-1 માં આવેલ હર દેવેન્દ્ર નામની રોલિંગ મિલમાં બ્લાસ્ટને કારણે મોટા પ્રમાણમાં આર્થિક નુકસાન થયું છે. પોલીસે ઘટનાસ્થળની આસપાસનો વિસ્તાર સીલ કરી દીધો છે. સમગ્ર ઘટના અંગે વિગતવાર તપાસ શરૂ કરવામાં આવી છે.

સમગ્ર મામલે સંચાલકનું કહેવું છે કે અહીં ફાયર સેફ્ટી રાખવામાં આવી છે, જો કે, શ્રમિકો મુજબ કોઈપણ પ્રકારની સેફ્ટી રાખવામાં આવી નથી.

સમગ્ર મામલે સિહોર મામલતદારનું કહેવું છે કે, ફેક્ટરીમાં સેફટી નહિ હોય તો તેમના પર કાર્યવાહી કરવામાં આવશે. આ દુર્ઘટનાને ભીનું સંકેલવા માટે ફાયર વિભાગને પણ જાણ કરવામાં આવી ન હતી.

સિહોર મામલતદારની હાજરીમાં ફેક્ટરીમાં કામ કરતા શ્રમિકોએ પાણીનો મારો ચલાવીને આગ બુઝાવવાનો પ્રયત્ન કરી રહ્યા હતા. સમગ્ર્ર મામલે પોલીસે તપાસ શરૂ કરી છે.