વાપીની 10 ફૂટ ઊંડી ગટરમાં પડ્યો ઘોડો, જાણો પછી શું થયું...

Updated: Monday, May 23, 2016, 14:39 [IST]

વાપીના નામાધામાં એક ખુબ જ વિચિત્ર લાગતો બનાવ બન્યો જેને નજરે જોનાર હજી પણ તે વાતને માનવા તૈયાર નથી કે આવું બની કરી રીતે શકે? થયું એવું કે વાપીની એક ખુલ્લી ગટરમાં એક ઘોડો પડી ગયો. નોંધનીય છે કે આ ગટર ખૂબ જ સાંકડી અને ઊંડી હતી.

અને ગટરને જોતા જ તેની અંદર આખોને આખો ઘોડો કરી રીતે પડી શકે તે સમજવું ખૂબ જ મુશ્કેલ થઇ જાય છે. ત્યારે વાપીના નામાધામાં બનેલી આ અજીબો ગરીબ ઘટની તસવીરો જુઓ અહીં. જેને જોઇને તમારું પણ મગજ ચક્કરાઇ જશે.

ગટરમાં પડ્યો ઘોડો

આ તસવીરમાં સાફ સાફ દેખાય છે કે કેવી સાંકડી અને ઊંડી ખુલ્લી ગટરમાં આ ઘોડો પડી ગયો છે. વાપીના મુન્નાભાઇનો આ ઘોડો અચાનક જ 8 થી 10 ફીટ ઊંડી ગટરમાં પડતા નજરે જોનાર લોકો આશ્ચર્યચકિત થઇ ગયા હતા.

રેસ્કૂ ઓપરેશન

નોંધની છે કે મુન્નાભાઈનો આ ઘોડો સવારથી ખોવાયો હતો. ઘરની બહાર ચરી રહેલ ઘોડો અચાનક ગુમ થતા માલિકનો જીવ તળાવે ચોટયો હતો. જો કે પાછળથી તપાસ કરતા ઘોડો ગટરમાં મળ્યો હતો.

કલાકોની મહેનત

નોંધનીય છે કે આ રેસ્કૂ ઓપરેશનમાં ફાયર ટીમને મદદ માટે બોલાવાઈ હતી. ભારે જહેમત બાદ અંતે મોટી ક્રેનની મદદથી ઘોડાને સલામત બહાર કાઢવામાં આવ્યો હતો.

આવું કેવી રીતે બને

ત્યારે આસપાસના લોકો માટે તે સમજવું મુશ્કેલ બની ગયું હતું કે આટલી સાંકડી ગટરમાં ઘોડો પડ્યો કેવી રીતે. જો કે ઘોડાને સલામત બહાર નીકળવાથી જીવદયાપ્રેમી લોકો અને તેના માલિકના ચહેરા પર ખુશી છવાઇ ગઇ હતી.