ગાંધીનગરમાં કોરોના પોઝિટિવ 4 લોકો સામે પોલીસ ફરિયાદ દાખલ

ગાંધીનગરમાં કોરોના વાયરસના પોઝિટિવ દર્દી ઉમંગ પટેલ સામે એફઆઇઆર દર્જ કરવામાં આવી છે. જેમણે વિદેશથી પરત ફર્યા બાદ કોરોના વાયરસની વિગતો વહીવટી તંત્રથી છૂપાવી છે. સેક્ટર- 21 પોલીસ સ્ટેશનમાં ઉમંગ પટેલ સહિત 4 લોકો સામે પોલીસ ફરિયાદ દાખલ કરવામાં આવી છે. ગાંધીનગર મહાનગરપાલિકાના હેલ્થ ઓફિસર કલ્પેશ ગોસ્વામીએ આ ફરિયાદ દાખલ કરી છે.

ગાંધીનગરમાં આજે કોરોના વાયરસના પોઝિટીવ કેસનો આંકડો છ સુધી પહોચી ગયો છે. જેમાં બિલ્ડરનો પુત્ર ઉમંગ પટેલ જવાબદાર છે. વિદેશમાંથી તે પાછો આવ્યો હતો તેમ છતાં તેને કોરોના અંગેની માહિતી છૂપાવી હતી પરિણામે આજે ગાંધીનગરમાં ઉચાટ અને ભય ફેલાયેલો છે. ગાંધીનગરમાં હજુ પણ પોઝિટિવ કેસોની સંખ્યા વધવાની દહેશત છે.

શહેરના સેક્ટર-12 પોલીસ સ્ટેશનમાં ફરિયાદ નોંધાવી છે. તેમણે ઉમંગ પટેલ અને તેની સાથેના ચાર પોઝિટીવ કેસ છે તેમની સામે ફરિયાદ નોંધાવી છે. જિલ્લા કલેક્ટરનું માનવું છે કે ઉમંગ પટેલે કોરોના અંગેની માહિતી છૂપાવતાં આજે ગાંધીનગરમાં કોરોના વાયરસના પોઝિટીવ કેસો વધી રહ્યાં છે. વધુ બે કેસ સાથે કુલ કેસોની સંખ્યા છ થઇ છે. શહેરમાં કોરોના સંક્રમણને અટકાવવા માટે સમગ્ર શહેર લોકડાઉન કરવામાં આવ્યું છે. રાજ્યની તમામ કચેરીઓમાં કામકાજ ઠપ્પ કરી દેવામાં આવ્યું છે. શહેરમાં 21 માર્ચથી જ કલમ 144 લાગુ કરી દેવામાં આવી છે. ત્યારે, આજે સેક્ટર 23 અને સેક્ટર 29ના કર્મચારીઓને ઘરમાં જ રહેવાની સૂચના આપવામાં આવી છે.

English summary

police case filled against corona positive 4 victims in gandhinagar