2019 માં મોટી જીતની તૈયારીમાં ભાજપ, વડોદરાથી લોકસભા ચૂંટણી લડી શકે છે પીએમ મોદી

લોકસભા ચૂંટણી 2019 માટેના તાણાવાણા ગૂંથાઈ રહ્યા છે. બધા પક્ષોની જેમ સત્તાધારી પક્ષ ભારતીય જનતા પાર્ટી પણ આગામી લોકસભા ચૂંટણીની તૈયારીના માટે મનોમંથનમાં લાગેલી છે.

Updated: Tuesday, September 11, 2018, 10:18 [IST]

લોકસભા ચૂંટણી 2019 માટેના તાણાવાણા ગૂંથાઈ રહ્યા છે. બધા પક્ષોની જેમ સત્તાધારી પક્ષ ભારતીય જનતા પાર્ટી પણ આગામી લોકસભા ચૂંટણીની તૈયારીના માટે મનોમંથનમાં લાગેલી છે. ભાજપે હાલમાં જ 4 રાજ્યોમાં યોજાનાર વિધાનસભા ચૂંટણી અને લોકસભા ચૂંટણીના પગલે રાષ્ટ્રીય કાર્યકારિણીની બેઠક બોલાવી હતી જ્યાં પીએમ મોદી અને ભાજપ અધ્યક્ષ અમિત શાહે કાર્યકર્તાઓને જીતનો મંત્ર આપ્યો. આ દરમિયાન પીએમ મોદીના ચૂંટણી લડવા સંબંધિત એક સમાચાર આવ્યા છે.

વડોદરા સીટ અંગે ચર્ચા

સૂત્રો અનુસાર પીએમ મોદી વડોદરાની બેઠક પરથી લોકસભા ચૂંટણી લડી શકે છે. વર્ષ 2014 માં તેમણે આ બેઠક પરથી ચૂંટણી લડી હતી અને મોટી જીત મેળવી હતી. પીએમ મોદીએ વારાણસીથી ધારાસભ્ય બની રહેવાનો નિર્ણય કરીને વડોદરાની બેઠક છોડી દીધી હતી જ્યાં બાદમાં ભાજપના ઉમેદવાર ધનંજય ભટ્ટે ચૂંટણી જીતી હતી.

ભાજપને મોટી જીતની આશા

પક્ષના સૂત્રો અનુસાર ભાજપના પ્રમુખ નેતાઓએ વડોદરાની લોકસભા બેઠક સુરક્ષિત રાખી છે અને એવુ અનુમાન લગાવવામાં આવી રહ્યુ છે કે પીએમ મોદી આ બેઠકથી ચૂંટણી લડી શકે છે. એક ભાજપ નેતાએ નામ ન છાપવાની શરતે કહ્યુ કે વડોદરાથી પીએમ મોદીને ભાવનાત્મક લગાવ છે અને તેઓ 2019મા અહીંથી મોટી જીત મેળવશે. ભાજપ નેતાએ એમ પણ કહ્યુ કે આ બેઠકથી ચૂંટણી લડવા માટે કેટલાક નેતાઓ મોબિલાઈઝેશનનો સહારો લઈ રહ્યા છે.

વડોદરાની બેઠક સુરક્ષિત રખાઈ

ભાજપના સ્થાનિક નેતાઓમાં ટિકિટ મેળવવાની હોડ લાગી છે અને તેઓ પોતપોતાની રીતે આ સીટ પર ઉમેદવારીની પુષ્ટિ કરવાની કોશિશમાં છે. સૂત્રો અનુસાર તે નેતાઓને જણાવી દેવામાં આવ્યુ છે કે વડોદરાની બેઠક સુરક્ષિત રાખવામાં આવી છે અને આ કારણે જ ચર્ચા વધુ ગરમાઈ છે પીએમ મોદી ફરીથી એક વાર આ બેઠક પરથી ચૂંટણી લડી શકે છે.