પાકિસ્તાની નાગરિક ઘુસણખોરી કરતા ઝડપાયો, BSF એ કરી કાર્યવાહી

Published: Wednesday, April 5, 2023, 16:55 [IST]

બોર્ડર સિક્યોરિટી ફોર્સ (BSF) દ્વારા રાજ્યના બનાસકાંઠા જિલ્લામાં આંતરરાષ્ટ્રીય બોર્ડર પર ભારતમાં પ્રવેશ કરવાની કોશિશ કરી રહેલા એક પાકિસ્તાની નાગરિકને ઝડપી લીધો છે.

BSF અધિકારીઓએ બુધવારના રોજ આ અંગે માહિતી આપી હતી. બીએસએફના જણાવ્યા અનુસાર, આ વ્યક્તિની ઓળખ દયારામ તરીકે થઈ છે. તે પાકિસ્તાનના નગરપારકરનો રહેવાસી છે.

BSF ગુજરાત ફ્રન્ટિયરે એક રિલીઝમાં જણાવ્યું હતું કે, જવાનોએ મંગળવારના રોજ એક પાકિસ્તાની નાગરિકને આંતરરાષ્ટ્રીય સરહદ પાર કરતા જોયો હતો. તે સરહદની વાડ ઓળંગીને ભારતમાં પ્રવેશી રહ્યો હતો, પરંતુ બોર્ડર પર તૈનાત જવાનોએ તાત્કાલિક કાર્યવાહી કરી હતી.

બનાસકાંઠા જિલ્લાની સરહદી ચોકી (BOP) નાડેશ્વરી નજીકના ગેટ પર ચઢીને આરોપીને પકડવામાં આવ્યો હતો.

અધિકારીઓએ જણાવ્યું હતું કે, બનાસકાંઠા જિલ્લાના BOP નડેશ્વરી પાસેના ગેટ પરથી પાકિસ્તાની નાગરિક નીચે ઉતર્યો કે, તરત જ તેને બીએસએફના જવાનોએ ઝડપી લીધો હતો.

Published On April 5, 2023