નીતિન પટેલ : કૉંગ્રેસ મેદાન ખુલ્લું મૂકી દે તો પણ ભાજપનો કોઈ કાર્યકર જવાનો નથી

By Bbc Gujarati

Updated: Friday, September 17, 2021, 18:07 [IST]

"કૉંગ્રેસવાળા દ્વાર જ નહીં, દીવાલો તોડીને મેદાન ખુલ્લું મૂકી દે, તો પણ ભાજપનો કોઈ કાર્યકર કૉંગ્રેસમાં જવાનો નથી."

આ નિવેદન ગુજરાત રાજ્યના પૂર્વ નાયબ મુખ્ય મંત્રી નીતિન પટેલે બીબીસી ગુજરાતીના સંવાદદાતા તેજસ વૈદ્ય સાથેની મુલાકાતમાં આપ્યું છે.

ભૂપેન્દ્ર પટેલની નવી સરકારમાં નીતિન પટેલ, પ્રદીપસિંહ જાડેજા સહિતના દિગ્ગજ નેતાઓને સ્થાન ન મળતાં કૉંગ્રેસના નેતા હાર્દિક પટેલે ભાજપના નેતાઓને કહ્યું હતું કે 'કૉંગ્રેસના દરવાજા ખુલ્લા છે'.

જેના જવાબમાં નીતિન પટેલે આ નિવેદન આપ્યું છે.

આ ઉપરાંત અન્ય પ્રશ્નોના જવાબમાં નીતિન પટેલે શું કહ્યું?

ગુજરાતના નવા પ્રધાનમંડળ સામે કયા પડકારો?

https://www.youtube.com/watch?v=gvtzTklEYPQ&t=329s

નવા પ્રધાનમંડળ સામેના પડકારો વિશે પૂછતાં નીતિન પટેલે કહ્યું કે "અમારી સરકારે બે લાખ 17 હજાર કરોડ રૂપિયાનું બજેટ મંજૂર કર્યું હતું. સમાજના જુદા-જુદા વર્ગો માટે અનેક યોજનાઓ પણ અમે લાવ્યા."

"નવા પ્રધાનમંડળ એ યોજનાઓમાંથી બાકી કામો આગામી સવા વર્ષમાં જ પૂરાં કરીને બતાવવાનાં રહેશે."

નીતિન પટેલ : એ પાટીદારોના નેતા, જેઓ બે વખત ગુજરાતના મુખ્ય મંત્રીની ખુરશી ચૂકી ગયા

ભૂપેન્દ્ર પટેલ : એ કારણો જેના લીધે આ પાટીદાર ચહેરાને મુખ્ય મંત્રીની ખુરશી અપાઈ

જે સૌરાષ્ટ્રમાં દુષ્કાળ જેવી સ્થિતિ હતી ત્યાં અચાનક આટલો ભારે વરસાદ કેમ પડ્યો?

નવા મંત્રીમંડળમાં પણ તમારું નામ નથી, તમારી શું લાગણી છે?

નીતિન પટેલે જવાબ આપતાં કહ્યું, "મારા એકલાનું નામ નથી, એવું તો નથી. ભાજપે આખા દેશમાં પહેલી વખત ગુજરાતમાં એક પ્રયોગ કર્યો અને નવા ચહેરાને સ્થાન આપીને એક નવું મંત્રીમંડળ બનાવ્યું."

"એની માટે વિજયભાઈ રાજીનામું આપ્યું અને મેં પણ આપ્યું. બીજા પણ મોટા મંત્રીઓએ રાજીનામાં આપ્યાં જ છે."

ભૂપેન્દ્ર પટેલના નવા મંત્રીમંડળથી 'વિમુખ' થયેલા પાટીદારો ચૂંટણીમાં ભાજપને લાભ કરાવશે?