તસવીરો: 'નરેન્દ્ર મોદીએ ગુજરાતને આપી 'ગિફ્ટ વન'

By Kumar Dushyant

Updated: Thursday, January 10, 2013, 17:59 [IST]

ગાંધીનગર, 10 જાન્યુઆરી: દેશના પ્રથમ ફાઇન્સાસિયલ સિટી 'GIFT' એટલે કે ગુજરાત ફાયન્સાસિયલ ટેક સિટીનું આજે સવારે 11 વાગે ગુજરાત મુખ્યમંત્રી નરેન્દ્ર મોદીએ ઉદઘાટન કર્યું હતું. ગુજરાતની રાજધાની ગાંધીનગર પાસે બની રહેલી ગિફ્ટ સિટીમાં ટાવરનું નિર્માણ થઇ ગયું જ્યારે બીજા એક અન્ય ટાવર આગામી 6 મહિનામાં બની રહેશે એવી આશા સેવવામાં આવી રહી છે. આ ગિફ્ટ સિટીમાં મોટી-મોટી બેંકોએ પોતાનું બુકિંગ કરી લીધું છે. ટુંક સમયમાં રેસીડેન્સ અને એસઇજેડનું કામ શરૂ થનાર છે.

ગિફ્ટ સિટી નરેન્દ્ર મોદીનો ડ્રીમ પ્રોજેક્ટ છે. તે ગુજરાતના દરેક નાનામાં નાના સેક્ટરને પ્રગતિ અપાવવા માંગે છે. અને ગિફ્ટ સિટી આ દિશામાં નાનકડુ પગલું છે. 28 માળનો એક ટાવર બની ગયો છે. અને અન્ય ટાવર ટુંક સમયમાં કાર્યરત થઇ જશે. દરેક ટાવરમાં 8 લાખ વર્ગફૂટની ઓફિસ સ્પેસ છે. પ્રથમ ટાવરમાં લગભગ 60 ટકા ઓફિસ સ્પેસ માટે સેન્ટ્રલ બેંક ઓફ ઇન્ડિયા, દેના બેંક, બેંક ઓફ બરોડા અને સિંડીકેટ બેંકે રસ દાખવ્યો છે. બેંકો ઉપરાંત ઘણીબધી ફાઇનાન્સિયલ અને કન્સલ્ટટિંગ પણ પોતાની ઓફિસ શરૂ કરવા માંગે છે.

ગિફ્ટ સિટી કુલ 890 એકરમાં ફેલાયેલી છે જેમાં 110 ટાવર બનાવવામાં આવશે. આ ઉપરાંત ફાન્સાસિયલ સર્વિસિઝ એસઇઝેડ એટલે કે સ્પેશિયલ ઇકોનોમિક ઝોન પણ બનશે. 20,000 જેટલા નાના મકાનો પણ ગિફ્ટ સિટીમાં બનાવવામાં આવશે. જો કે 2010માં શરૂ થયેલ આ પ્રોજેક્ટને તૈયાર થતાં 12 વર્ષ જેટલો સમય લાગશે. અંદાઝે 75,000 કરોડ રૂપિયાનું રોકાણ કરવામાં આવશે. પ્રોજેક્ટ સાથે જોડાયેલા અધિકારીઓનું કહેવું છે કે શરૂઆત થોડો વધુ સમય લાગ્યો છે પણ તેને સમયમર્યાદામાં તૈયાર કરી દેવામાં આવશે.

10 જાન્યુઆરી એટલે કે આજે સવારે 11 કલાકે ગુજરાતના મુખ્યમંત્રીએ 'ગિફ્ટ સિટી'ના ટાવર 1 નું ઉદધાટન કર્યા બાદ સભા સંબોધતાં જણાવ્યું હતું કે મને નથી ખબર કે ગિફ્ટ સિટી પ્રોજેક્ટ અંગે દરેકની કલ્પના જુદી-જુદી છે. કોઇ તેને ગિફટના ઊંચા ટાવર તરીકે જુએ છે, તો કોઇ તેને પ્રોપર્ટી ડેવલોપર તરીકે જુએ છે. જુદા જુદા લોકો જુદી જુદી રીતે ગિફ્ટને જુએ છે.

ગિફ્ટ સિટી ફાયનાન્સિયલ સર્વિસ, રિયલ ટાઇમ ઓપરેશનલ, મલ્ટીપલ ટેક્નોલોજીનું ઉત્તમ ઉદાહરણ 'ગિફ્ટ સિટી' છે. ગુજરાતીઓની મુળભૂત વિશેષતાઓ છે કે ગુજરાતીઓના લોહીમાં બિઝનેસ હોય છે અને ગુજરાતીઓની આંગળીઓ પર એકાઉન્ટ હોય છે. ગિફ્ટ સિટીના માધ્યમથી બદલાઇ રહેલી દુનિયામાં ફાઇનાન્સિયલ સર્વિસિસમાં નવા શિખરો સર કરવા જઇ રહ્યા છીએ.

નરેન્દ્ર મોદીએ જણાવ્યું હતું કે, કહેવાય છે કે જ્યાં લક્ષ્મી હોય ત્યાં સરસ્વતી નથી હોતી, અને જ્યાં સરસ્વતી હોય ત્યાં લક્ષ્મીજી નથી હોતા, પરંતુ ગિફ્ટ સીટી એક એવી જગ્યા છે, જ્યાં લક્ષ્મીજી અને સરસ્વતીજી બનંનો વાસ હશે. અત્રે ઉલ્લેખનીય છે કે આજે ગિફ્ટ સિટીનો પ્રથમ એમઓયુ શૈક્ષણિક સંસ્થા નરસિંહ મોદી એજ્યુકેશન ટ્રસ્ટ સાથે કરવામાં આવ્યો હતો. ગિફ્ટ સિટીના પ્રથમ ટાવર કામ ફક્ત 14 મહિનામાં પૂર્ણ કરવામાં આવ્યું છે. ગિફ્ટ સિટીની રચના અને વ્યવસ્થાનું સંપૂર્ણ ધ્યાન રાખવામાં આવ્યું છે. ગિફ્ટ સિટીની સફળતા ગુડ ગર્વનર્સની ઉંચાઇને દર્શાવે છે. બીઆરટીએસ જેવા પબ્લિક ટાંસપોર્ટ સાથે ગિફ્ટ સિટીને સાંકળવામાં આવશે.

'નરેન્દ્ર મોદીએ ગુજરાતને આપી 'ગિફ્ટ વન'

દેશના પ્રથમ ફાઇન્સાસિયલ સિટી 'GIFT' એટલે કે ગુજરાત ફાયન્સાસિયલ ટેક સિટીનું ગુજરાતના મુખ્યમંત્રી નરેન્દ્ર મોદીએ ઉદઘાટન કર્યું હતું. 20,000 જેટલા નાના મકાનો પણ ગિફ્ટ સિટીમાં બનાવવામાં આવશે. જો કે 2010માં શરૂ થયેલ આ પ્રોજેક્ટને તૈયાર થતાં 12 વર્ષ જેટલો સમય લાગશે.