કાલે આવે છે મોદી ગુજરાતમાં, PM બન્યા પછી આ છે 10મી વાર

વડાપ્રધાન નરેન્દ્ર મોદી, મંગળવારથી ગુજરાતની બે દિવસની મુલાકાતે છે. ત્યારે વાંચો આ પહેલા પીએમ મોદીએ કેટલી વાર ગુજરાતની મુલાકાત લીધી છે.

વડાપ્રધાન નરેન્દ્ર મોદી, 7મી માર્ચ મંગળવારથી ગુજરાતની બે દિવસની મુલાકાતે છે. નોંધનીય છે કે પીએમ બન્યા પછી નરેન્દ્ર મોદી બે વર્ષના તેમના શાસનકાળમાં 10 વખતથી વધુ વાર ગુજરાતની મુલાકાતે આવી ચૂક્યા છે. વડાપ્રધાન બન્યા પછી એક વાર તેવું પણ મેહણું મારવામાં આવતું હતું કે મોદી પીએમ બન્યા પછી ગુજરાતને ભૂલી ગયા છે. જો કે તે વાત પણ છે કે રૂપાણીના સરકારમાં આવ્યા પછી પીએમ નરેન્દ્ર મોદીની મુલાકાતોનો વધી ગઇ છે. જેનું કારણ 2017ની ગુજરાત વિધાનસભાની ચૂંટણીને પણ માનવામાં આવે છે.

ત્યારે મંગળવારે પીએમ મોદીની મુલાકાત પહેલા નીચે વિગતવાર જાણો કેટલી વાર આ પહેલા વડાપ્રધાન નરેન્દ્ર મોદી ગુજરાતની મુલાકાતે આવ્યા છે. અને આ વખતની ગુજરાતની મુલાકાત દરમિયાન મોદીનો સમગ્ર કાર્યક્રમ શું છે જાણો વિગતવાર અહીં...

સૌથી પહેલી વાર

વડાપ્રધાન નરેન્દ્ર મોદી દેશના વડાપ્રધાન બન્યા પછી સૌથી પહેલીવાર ગુજરાત 17 સપ્ટેમ્બર 2014માં ગાંધીનગર આવ્યા હતા. જ્યાં તેમના જન્મદિવસ નિમિત્તે તેમણે માતા હિરા બાના ગાંધીનગર ખાતે આશીર્વાદ લીધા હતા. તે દિવસે તેમણે ગરીબો માટે સ્વાવલંબન યોજનાનું લોકાર્પણ કર્યું હતું. અને અમદાવાદ ખાતે ચીનના રાષ્ટ્રપતિ સાથે મુલાકાત કરી હતી. તે બાદ 11મી જાન્યુઆરી 2015ના રોજ તેમણે વાઇબ્રન્ટ ગ્લોબલ સમિટમાં હાજરી આપી હતી. અને પછી એક મહિનાના અંતરમાં જ 18મી ફેબ્રુઆરી 2015ના રોજ માંડવી, કચ્છ ખાતેના કાર્યક્રમમાં તેમણે ડીજીપી સંમેલનમાં હાજરી આપી હતી.

પ્રમુખ સ્વામી

આ બાદ પ.પૂ.પ્રમુખ સ્વામીના અંતિમ દર્શન માટે પીએમ મોદી 15 ઓગસ્ટ 2016ના રોજ ગુજરાતની મુલાકાતે આવ્યા હતા. તે પછી તો આનંદીબેને રાજીનામું આપ્યું અને વિજય રૂપાણીની ગુજરાતમાં નવી સરકાર બની. જે બાદ ગુજરાતની મુલાકાતે રાજકીય કાર્યક્રમ હેઠળ પહેલી વાર પીએમ મોદી 30 ઓગસ્ટ 2016 ના રોજ આવ્યા હતા. જ્યારે તેમણે સૌની યોજનાનું લોકાર્પણ કર્યું હતું. સાથે જ 17મી સપ્ટેમ્બર 2016 દિવસે તેમણે તેમના ગુજરાત પ્રવાસ દરમિયાન માતાના આશીર્વાદ લીધા હતા. અને નવસારી તથા દાહોદના કાર્યક્રમમાં દિવ્યાંગ ભાઇ-બહેનોને સાધન સહાય વિતરણ કર્યું હતું.

ગુજરાતની મુલાકાતો વધી

તે પછી પીએમ મોદી ગુજરાત મુલાકાતો વધી હતી. 10મી ડિસેમ્બર 2016ના રોજ તેમણે ડીસા ખાતે બનાસડેરીના એક પ્લાન્ટનું ઉદ્ધાટન કર્યું હતું. તે બાદ એક મહિનાની અંદર જ એટલે કે જાન્યુઆરીમાં તે ગાંધીનગર અને અમદાવાદની મુલાકાતે હતા. જ્યાં તેમણે વાઇબ્રન્ટ સમિટનું ઉદ્ધાટન કર્યું હતું.

કાલથી મોદી ગુજરાતમાં

મંગળવારે એટલે કે 7મી તારીખની વડાપ્રધાન નરેન્દ્ર મોદી ફરી બે દિવસની ગુજરાત મુલાકાતે છે. આ વખતે તે દહેજ ખાતે ઓપેલ પાર્કની મુલાકાત લેશે. અને તે બાદ ભરૂચ ખાતે નવનિર્મિત કેબલ બ્રીજનું લોકાર્પણ કરશે. તે પછી ગાંધીનગર ખાતે સીએમ દ્વારા આયોજિત ભોજને માણશે અને બીજા દિવસે એટલે કે બુધવારે સોમનાથમાં સોમનાથ દાદાના દર્શન કરશે. સાથે જ ગાંધીનગર ખાતે વિશ્વ મહિલા દિન પર મહિલા સરપંસ સંમેલનમાં હાજરી આપશે.

English summary

PM Narendra Modi visiting Gujarat tomorrow, Read here how many times Modi visited Gujarat before this.