સાણંદ GIDC ખાતે યુનિચાર્મ કંપનીના પ્લાન્ટમાં લાગી ભીષણ આગ

અમદાવાદઃ સાણંદ GIDCમાં યુનિચાર્મ કંપનીના પ્લાન્ટમાં ભીષણ આગ લાગતાં અફરા તફરીનો માહોલ સર્જાયો હતો. ઘટનાને પગલે ફાયર બ્રિગેડની 3 ગાડીઓ આગ પર કાબૂ મેળવવાનો પ્રયાસ કરી રહી છે. આગ એટલી ભયાનક હતી કે દૂર દૂર સુધી ધૂમાડાના ગોટે-ગોટા જોઇ શકાતા હતા. કયા કારણે આગ લાગી તે અંગે હજી કંઇ જાણી શકાયું નથી.

મળતી માહિતી મુજબ યુનિચાર્મ કંપનીના પ્લાન્ટમાં આજે સવારે ભીષણ આગ ફાટી નીકળી હતી. કયા કારણે આગ લાગી તે અંગે હજી જાણી શકાયું નથી. જણાવી દઇએ કે સાણંદમાં આવેલી આ યુનિચાર્મ કંપની જાપાનની યુનિચાર્મની પેટાકંપની છે. આ કંપનીમાં MamyPoko, Sofy અને Lifree જેવી સેનિટરી પ્રોડક્ટનું ઉત્પાદન કરવામા આવતું હતું.

આગ એટલી ભયંકર હતી કે સોલા સુધી તેના ધુમાડા દેખાયા હતા. આગ લાગવાના પગલે ટ્રાફિક જામની સમસ્યા પણ સર્જાઈ હતી. કયા કારણે આગ લાગી તે અંગે તપાસ હાથ ધરવામાં આવી છે, ઘટનાને પગલે કોઇપણ પ્રકારની જાનહાનીના સમાચાર નથી મળ્યા.

English summary

massive fire broke out at the unicharm company's plant at sanand GIDC