પ્રદેશ ભાજપ ચૂંટણી સમિતીની બેઠકનો આજે અંતિમ દિવસ

પ્રદેશ ભાજપની ચૂંટણી સમિતિએ કચ્છ અને સૌરાષ્ટ્રમાં કયા ઉમેદવારોને ઉતારવા તે મામલે કરી ચર્ચા. આજે રિપોર્ટ હાઇ કમાન્ડને મોકલવામાં આવશે. વધુ વાંચો અહીં

By Oneindia

Published: Thursday, October 26, 2017, 17:05 [IST]

ગાંધીનગર ખાતે પ્રદેશ ભાજપ ચૂંટણી સમિતિની બેઠક બીજી થીશરૂ કરવામાં આવી હતી જેનો આજે છેલ્લો દિવસ છે ત્યારે આજની બેઠકમાં સૌરાષ્ટ્ર ઝોન બેઠકો માટે ઉમેદવારોની પસંદગીને લઈને વિચાર વિમર્શ કરવામાં આવશે. આજે રાજકોટના, જામનગર જિલ્લો, દેવભૂમિ દ્વારકા, મોરબી, જામનગર શહેર, ગીર સોમનાથ, જૂનાગઢની અને અમરેલી, પોરબંદર, બેઠકો પર ચર્ચા થશે. નોંધનીય છે કે હાલ ગુજરાતમાં વિધાનસભાની ચૂંટણીની તારીખો જાહેરાત થઇ ગઇ છે. ડિસેમ્બરમાં ગુજરાતમાં ચૂંટણી છે અને ભાજપ માટે આ ચૂંટણી તેની આન-બાન અને શાનનો વિષય બની ચૂકી છે.

ઉલ્લેખનીય છે કે વિધાનસભા ચૂંટણીમાં પ્રથમ તબક્કામાં જ કચ્છ-સૌરાષ્ટ્ર ઝોનમાં ચૂંટણી યોજાવવાની છે. ત્યારે આજની બેઠકમાં સૌરાષ્ટ્ર ઝોનને લઈને જ ચર્ચા થશે. બેઠક બાદ પ્રદેશ ભાજપ ચૂંટણી સમિતિનાના સભ્યો ઉમેદવારની યાદી કેન્દ્રીય પાર્લામેન્ટરી બોર્ડમાં રજૂ કરશે. કેન્દ્રીય પાર્લામેન્ટરી બોર્ડ ઉમેદવારોના નામ નક્કી કરી ફોર્મ ભરવાના 2 દિવસ પહેલા ઉમેદવારોના નામ જાહેર કરશે. ત્યારે કચ્છ સૌરાષ્ટ્ર પટ્ટા ભાજપના કયા ઉમેદવારને ભાજપ ઉતારે છે તે હવે જોવાનું રહ્યું.

Published On October 26, 2017