Gujarat Rain Forecast : રાજ્યના આ જિલ્લાઓમાં વરસાદની આગાહી, જાણો ક્યાં કેટલો વરસાદ પડશે?

ગુજરાતમાં ચોમાસાની શરૂઆતથી જ સારો વરસાદ જોવા મળ્યો છે. હવે રાજ્યમાં વરસાદનું જોર ધીમુ પડ્યુ છે અને છુટોછવાયો વરસાદ જોવા મળી રહ્યો છે.

હવામાન વિભાગ અનુસાર, આવતા અઠવાડીયામાં રાજ્યમાં હળવાથી મધ્યમ વરસાદ જોવા મળી શકે છે. કેટલાક જિલ્લાઓમાં સારો વરસાદ પડી શકે છે.

હવામાન વિભાગની આગાહી અનુસાર, ઉત્તર ગુજરાતમાં બનાસકાંઠા, પાટણ, મહેસાણા, સાબરકાંઠા અને અરવલ્લી, મધ્ય ગુજરાતમાં વડોદરા, મહીસાગર, છોટા ઉદેપુર, નર્મદા અને ભરૂચમાં સામાન્ય જોવા મળી શકે છે.

આ સિવાય દક્ષિણ ગુજરાતમાં ડાંગ, તાપી, નવસારી, વલસાડ તેમજ સૌરાષ્ટ્રનાં સુરેન્દ્રનગર, રાજકોટ, જામનગર, પોરબંદર અને જૂનાગઢમાં વરસાદ જોવા મળી શકે છે. આ સિવાય અમરેલી, ભાવનગર, મોરબી, દ્વારકા અને ગીર સોમનાથમાં પણ હળવા વરસાદની આગાહી કરવામાં આવી છે.

હવામાન વિભાગ અનુસાર, બોટાદ કચ્છના વિવિધ તાલુકાઓમાં સામાન્ય વરસાદ જોવા મળી શકે છે. જણાવી દઈએ કે, ગુજરાતના તમામ જિલ્લાઓમાં વાવણીલાયક વરસાદ જોવા મળ્યો છે. વરસાદની હાલની સ્થિતી ખેડૂતો માટે રાહત આપનારી છે.

English summary

Gujarat Rain Forecast : Rain forecast in these districts of Gujarat