Gujarat Rain : ઘણા જિલ્લામાં પૂરનું સંકટ, જાણો હવામાન વિભાગની આગાહી

Gujarat Rain: ગુજરાતમાં ઘણા જિલ્લામાં પૂરનું સંકટ તોળાઇ રહ્યું છે. હવામાન વિભાગ દ્વારા આગામી ઘણા દિવસો સુધી ભારે વરસાદની આગાહી કરવામાં આવી છે. ભારતીય હવામાન વિભાગે મંગળવારના રાજ્યમાં ભારે વરસાદની ચેતવણી જાહેર કરવામાં આવી હતી.

ઉલ્લેખનીય છે કે, ઉત્તર ગુજરાત અને સૌરાષ્ટ્ર વિસ્તારમાં ગત દિવસોથી સતત વરસાદ થઇ રહ્યો છે. IMD દ્વારા જણાવવામાં આવ્યું હતું કે, ગુજરાતમાં અત્યાર સુધી એક વર્ષમાં સરેરાશ વરસાદ કરતાં ઘણો વધારે વરસાદ થયો છે.

ભારતીય હવામાન વિભાગે જણાવ્યું કે, સૌરાષ્ટ્રના જૂનાગઢના અનેક વિસ્તારોમાં ભારે વરસાદ થયો છે. આવા સમયે ઉત્તર ગુજરાતના જિલ્લાઓ પાટણ, મહેસાણા અને બનાસકાંઠામાં ભારે વરસાદ નોંધાયો છે.

કયા વિસ્તારમાં કેટલો વરસાદ પડ્યો? - IMD અનુસાર છેલ્લા 24 કલાકમાં (સોમવાર સવારે 6 વાગ્યાથી મંગળવાર સવારે 6 વાગ્યાની વચ્ચે) જૂનાગઢના વિસાવદર તાલુકામાં 302 મિમી વરસાદ નોંધાયો હતો. ગુજરાતના સ્ટેટ ઇમરજન્સી ઓપરેશન સેન્ટર (SEOC) એ જણાવ્યું હતું કે, અત્યાર સુધીમાં 870 mm વરસાદ થયો છે, જે સરેરાશ વાર્ષિક વરસાદના 99.27 ટકા છે.

અત્રે ઉલ્લેખનીય છે કે, રાજ્યના કુલ 251 તાલુકાઓમાંથી અત્યાર સુધીમાં 64 તાલુકાઓમાં 1,000 mm થી વધુ વરસાદ નોંધાયો છે, 144 તાલુકાઓમાં 501 mm થી 1,000 mm અને 43 તાલુકાઓમાં 251 mm થી 500 mm વચ્ચે વરસાદ નોંધાયો છે. ભારતીય હવામાન વિભાગ દ્વારા જણાવવામાં આવ્યું હતું કે, ગુજરાતમાં વધુ વરસાદનું કારણ દક્ષિણ-પશ્ચિમ રાજસ્થાન પર સાયક્લોનિક સરક્યુલેશન છે.

અત્રે નોંધનીય બાબત છે કે, SEOC દ્વારા જણાવવામાં આવ્યું હતું કે, છેલ્લા 24 કલાક દરમિયાન 34 તાલુકાઓમાં 70 મીમીથી વધુ વરસાદ નોંધાયો છે.

છેલ્લા 24 કલાકમાં ક્યાં અને કેટલો વરસાદ નોંધાયો

• જૂનાગઢના મેંદરડા તાલુકામાં - 194 મી.મી
• પાટણના રાધનપુર તાલુકામાં - 194 મી.મી
• મહેસાણાના બેચરાજી તાલુકામાં - 172 મી.મી
• બનાસકાંઠાના ભાભર તાલુકામાં - 171 મી.મી
• મહેસાણાના મહેસાણા તાલુકામાં - 164 મી.મી
• જૂનાગઢના વંથલી તાલુકામાં - 148 મી.મી
• બનાસકાંઠાના દિયોદર તાલુકામાં - 111 મી.મી
• બનાસકાંઠાના ડીસા તાલુકામાં - 110 મી.મી

વરસાદને લઈને IMD એલર્ટ જાહેર - IMDએ જણાવ્યું હતું કે, મંગળવાર અને બુધવારે સૌરાષ્ટ્ર, કચ્છ અને ઉત્તર ગુજરાતમાં સૌથી વધુ વરસાદ પડશે. ઉલ્લેખનીય છે કે, છેલ્લા ઘણા દિવસોથી સતત વરસાદને કારણે જનજીવન અસ્તવ્યસ્ત થઈ ગયું છે. રાજ્યની અનેક નદીઓ અને નાળાઓ ભરાઈ ગયા છે.

English summary

Gujarat Rain: Flood threat in many districts, know forecast of Meteorological Department