રાજ્યમાં સરકારી ભરતી અંગે મોટા સમાચાર: બે પરીક્ષાના પરિણામ અને LRDની ફાઈનલ આન્સર કી જાહેર

By Desk

Updated: Wednesday, July 30, 2025, 21:29 [IST]

LRD Final Answer Key 2025: ગુજરાતમાં સરકારી ભરતીને લઈને આજે બે મોટા સમાચાર સામે આવ્યા છે. લોકરક્ષક દળની લેખિત પરીક્ષાની ફાઈનલ આન્સર કી ભરતી બોર્ડની વેબસાઇટ પર જાહેર કરી દેવામાં આવી છે. આ પરીક્ષા જૂન 15, 2025 ના રોજ 2.37 લાખથી વધુ ઉમેદવારોએ આપી હતી. આ અગાઉ, જૂન 20, 2025ના રોજ પ્રોવિઝનલ આન્સર કી રિલીઝ થઈ હતી. તે જ સમયે, લાયસન્સિંગ બોર્ડ, ગાંધીનગર દ્વારા મે 2, 2025થી મે 15, 2025 દરમિયાન લેવાયેલી ઇલેક્ટ્રિક સુપરવાઇઝર અને વાયરમેન પરીક્ષાના પરિણામ પણ જાહેર કરી દેવામાં આવ્યા છે, જે ઉમેદવારો સત્તાવાર વેબસાઇટ પરથી જોઈ શકે છે.

લોકરક્ષક કેડરની લેખિત પરીક્ષાની ફાઈનલ આન્સર કી જાહેર

રાજ્યમાં લોકરક્ષક સંવર્ગની બિન હથિયારી પોલીસ કોન્સ્ટેબલ, હથિયારી પો.કો., જેલ સિપાઈ, SRPF સહિતની કુલ 12,000 જેટલી જગ્યાઓ પર ભરતી પ્રક્રિયા ચાલી રહી છે. આ ભરતી પ્રક્રિયા અંતર્ગત શારીરિક કસોટી અને લેખિત પરીક્ષા સફળતાપૂર્વક પૂર્ણ થઈ ચૂકી છે. તમામ ઉમેદવારો ફાઈનલ આન્સર કીનો માસ્ટર સેટ મેળવવા માટે સત્તાવાર વેબસાઇટ https://gprb.gujarat.gov.in તથા https://lrdgujarat2021.in ની મુલાકાત લઈ શકે છે.

લોકરક્ષક કેડરની તા.૧૫.૦૬.૨૦૨૫ના રોજ લેવામાં આવેલ લેખિત પરીક્ષાની Final Answer Key માસ્ટર સેટ પ્રશ્નપત્ર મુજબ ભરતી બોર્ડની વેબસાઇટ https://t.co/hUg9Ljrf3I તથા https://t.co/cTams9JbGf ઉપર જાહેર કરવામાં આવેલ છે.
— Gujarat Police Recruitment Board Official (@GPRB_GNR) July 30, 2025

ઇલેક્ટ્રિક સુપરવાઇઝર અને વાયરમેનની પરીક્ષાનું પરિણામ જાહેર

લોકરક્ષક ભરતી ઉપરાંત, ઇલેક્ટ્રિક સુપરવાઇઝર અને વાયરમેનની પરીક્ષાને લઈને પણ મહત્વપૂર્ણ સમાચાર આવ્યા છે. લાયસન્સિંગ બોર્ડ, ઉદ્યોગભવન, ગાંધીનગર દ્વારા રાજ્યના જુદા-જુદા કેન્દ્રો પર વાયરમેનની પરીક્ષાનું આયોજન મે 2, 2025 થી મે 15, 2025 દરમિયાન કરવામાં આવ્યું હતું. આ પરીક્ષાનું પરિણામ હવે જાહેર કરી દેવામાં આવ્યું છે. ઉમેદવારો તેમનું પરિણામ ઇલેક્ટ્રિકલ સુપરવાઇઝર ખાતાની વેબસાઇટ https://ceiced.gujarat.gov.in પરથી જોઈ શકે છે. તમામ ઉમેદવારો ઓગસ્ટ 1 સુધી CEICED ના પોર્ટલ પર LOGIN કરી 'APPLICATION STATUS' વિભાગમાં જઈને પોતાનું પરિણામ ડાઉનલોડ કરી શકે છે.