ગુજરાતના નવા મુખ્યમંત્રી બન્યા વિજય રૂપાણી

Updated: Friday, August 5, 2016, 18:30 [IST]

આખરે બે દિવસની ચર્ચા વિચારણા બાદ ગુજરાતના નવા મુખ્યમંત્રીનું તરીકે વિજય રૂપાણીના નામની જાહેરાત થઇ છે. સાથે જ ગુજરાતના ઉપ. મુખ્યમંત્રીના નામ માટે નીતિન પટેલના નામની જાહેરાત આજની આ બેઠકમાં કરવામાં આવશે. નોંધનીય છે કે ભાજપના રાષ્ટ્રિય અધ્યક્ષ અમિત શાહ, નીતિન ગડકરી અને સરોજ પાંડેની હાજરીમાં ભાજપના અમદાવાદ ખાતે આવેલા કમલમ કાર્યલયમાં આ નામની જાહેરાત કરવામાં આવશે. આ બેઠકમાં આનંદીબેન પટેલ સમેત પુરુષોત્તમ રૂપાલા જેવા તમામ બીજેપીના નેતાઓ હાજર રહ્યા છે. Read also: જાણો વિજય રૂપાણી વિષે, જે છે ગુજરાતના નવા CM!

નોંધનીય છે કે આજે સવારથી જ અમિત શાહના ઘર ખાતે અનેક રાજકીય નેતાઓ તેમને મળવા આવી રહ્યા હતા. અને છેલ્લા બે દિવસથી આ અંગે અનેક અટકળો થઇ રહી હતી. જો કે હવે આ તમામ અટકળોનો અંત આવ્યો છે. તો બીજી તરફ નીતિન પટેલના વતન કડી ખાતે પણ ભારે ઉત્સાહનો માહોલ જોવા મળી રહ્યો છે. સવારથી જ અહીં મીઠાઇ વેચાઇ રહી છે અને ફટાકડા ફૂટી રહ્યા છે.