ગુજરાત બજેટ 2017: આરોગ્ય વિભાગ માટેની મુખ્ય જોગવાઇઓ

ગુજરાત બજેટ 2017. આ વખતના બજેટમાંથી આરોગ્ય ક્ષેત્રને શું મળશે? જાણો અહીં.

ગુજરાત વિધાનસભા ગૃહના બજેટ સત્ર નો 20 ફેબ્રુઆરી, 2017 થી પ્રારંભ થયો છે, 31 માર્ચ, 2017 સુધી ચાલનારા આ બજેટ સત્રના 26 દિવસો દરમિયાન કુલ 28 બેઠકો મળશે. ગુજરાતના નાણા મંત્રી નીતિન પટેલે આજે મંગળવારના રોજ વર્ષ 2017-18 માટે બજેટ રજૂ કર્યું છે.

આ વખતના બજેટમાંથી આરોગ્ય વિભાગ માટે કઇ કેટલી સુવિધાઓ માટે ફાળવણી કરવામાં આવી છે, એ અંગે વિગતવાર માહિતી મેળવો અહીં..

• આરોગ્ય અને પરિવાર કલ્યાણ માટે 8 હજાર 800 કરોડની જોગવાઈ
• માતૃત્વ અને બાળ સંભાળ માટે 119.15 કરોડની જોગવાઈ
• જિલ્લા હોસ્પિટલોમાં 9 અને પેટા જિલ્લા હોસ્પિટલોમાં 41 બ્લડ બેંક ચાલુ કરવામાં આવશે
• મેલેરિયા અને ડેન્ગ્યુ જેવા રોગોને 2022 સુધીમાં સંપૂર્ણ નાબૂદ કરવા 102 કરોડની જોગવાઈ
• મા અને મા વાત્સલ્ય યોજનાના લાભાર્થીઓની આવક મર્યાદા 1 લાખ 20 હજારથી વધારી 1 લાખ 50 હજાર કરાઈ, આ માટે 500 કરોડની જોગવાઈ
• સરકારી હોસ્પિટલોમાં મફતમાં દવા આપવા 466 કરોડની જોગવાઈ
• દીનદયાળ ઉપાદ્યાય જેનરીક ડ્રગ્સ સ્ટોર યોજના માટે 15 કરોડની જોગવાઈ, જેનરીક સ્ટોરની સંખ્યા 52થી વધારી 500 કરાશે
• 108 માટે 70 નવી એમ્બ્યૂલન્સ તથા સાર્વજનિક દવાખાના માટે 43 નવી એમ્બ્યૂલન્સ માટે 15 કરોડની જોગવાઈ
• ગ્રામીણ અને શહેરી સામૂહિક આરોગ્યકેન્દ્રો માટે 221 કરોડની જોગવાઈ
• અમદાવાદ સિવિલનું આધુનિકરણ અને તબીબી સ્ટાફની નિમણૂક માટે 129 કરોડની જોગવાઈ
• ગુજરાત કેન્સર એન્ડ રીસર્ચ ઈન્સ્ટીટ્યૂટ, કીડની અને ઓપ્થેમોલોજી ઈન્સ્ટીટ્યૂટને 80 કરોડની ફાળવણી
• કેન્સર, કીડની અને હ્દય રોગની સારવાર માટે બીપીએલ કાર્ડ ધારકોને મફતમાં સારવાર માટે 40 કરોડની જોગવાઈ
• યુ.એન.મહેતા ઈન્સ્ટીટ્યૂટ ઓફ કાર્ડીયોલોજીમાં બાળકોના હ્દય રોગની સારવાર માટે નવા એકમ માટે 100 કરોડની જોગવાઈ તથા એમ્બ્યુલન્સ માટે 50 લાખની જોગવાઈ
• રાજ્યમાં સુપર સ્પેશ્યાલીટી હોસ્પિટલ, નર્સિંગ હોમ, ડોયગ્નોસીસ સેન્ટર, મેડિકલ કોલેજો સ્થાપવા 100 કરોડની જોગવાઈ
• આયુષ યોજનાને સુદ્રઢ બનાવવા 10 કરોડની જોગવાઈ

English summary

Gujarat Budget 2017. Whats in there for Health Sector in this years budget? Read every detail here.