અહીંથી પૂર્વ CM કેશુભાઇ પટેલ રહી ચુક્યા છે ધારાસભ્ય, જુઓ ગોંડલ વિધાનસભા સીટના સમીકરણ

2022ની ગુજરાત ચૂંટણીમાં રાજકોટ જિલ્લાની ગોંડલ વિધાનસભા બેઠક રાજ્યની મહત્વની બેઠકો પૈકીની એક છે. આ બેઠક પોરબંદર લોકસભા મતવિસ્તારમાં આવે છે. આ બેઠક એટલા માટે પણ મહત્વની છે કારણ કે ગુજરાતના પૂર્વ મુખ્યમંત્રી કેશુભાઈ પટેલ અહીંથી ચૂંટણી લડી ચૂક્યા છે. 1998 પછી યોજાયેલી ચૂંટણીમાં ભાજપ અહીંથી માત્ર એક જ વાર હાર્યું છે. આ વખતે ભાજપ તરફથી ગીતાબા જયરાજસિંહ જાડેજા મેદાનમાં છે. ગત ચૂંટણીમાં જાડેજા અહીંથી જીત્યા હતા.

2017માં ભાજપને મળી હતી જીત

2017ની વિધાનસભાની ચૂંટણીમાં ભાજપના ઉમેદવાર ગીતાબા જયરાજસિંહ જાડેજાએ INCના અર્જુનભાઈ ખાટરિયાને 15,000 મતોના માર્જિનથી હરાવ્યા હતા. આ ચૂંટણીમાં કુલ 12 ઉમેદવારો મેદાનમાં હતા. ભાજપ અને કોંગ્રેસના ઉમેદવારો સિવાય બાકીના દસ ઉમેદવારોની ડિપોઝીટ જપ્ત થઈ હતી. 2012ની વિધાનસભા ચૂંટણીમાં ભાજપે આ સીટ જીતી હતી. ભાજપના જયરાજસિંહ જાડેજાએ કોંગ્રેસના ઉમેદવાર ગોરધનભાઈ ઝડફિયાને હરાવ્યા હતા.

કેશુભાઇ પટેલ રહી ચૂક્યા છે અહીથી ધારાસભ્ય

રાજકોટની ગોંડલ બેઠક સત્તાધારી ભાજપ માટે પ્રતિષ્ઠાનો મુદ્દો છે. અહીંથી તેના દિગ્ગજ નેતા અને રાજ્યના પૂર્વ મુખ્યમંત્રી કેશુભાઈ પટેલ 1980માં ચૂંટણી જીત્યા હતા. 1998 થી 2017 સુધી, ભાજપ અહીં માત્ર એક જ વાર હારી ગયું હતું, જ્યારે 2007માં એનસીપીએ સીટ જીતી હતી.

ભાજપે વર્તમાન ધારાસભ્યને મેદાનમાં ઉતાર્યા

ભાજપે 2022ની ચૂંટણી માટે આ બેઠક પરથી વર્તમાન ધારાસભ્ય ગીતાબા જયરાજસિંહ જાડેજાને મેદાનમાં ઉતાર્યા છે. આ સાથે જ કોંગ્રેસે અહીંથી યતીશ ગોવિંદલાલ દેસાઈને પોતાના ઉમેદવાર બનાવ્યા છે. આમ આદમી પાર્ટી તરફથી નિમિષાબેન ખુંટ મેદાનમાં છે. આ બેઠક પર પ્રથમ તબક્કામાં 1 ડિસેમ્બરે મતદાન થઈ રહ્યું છે. પરિણામ 8 ડિસેમ્બરે આવશે.

ભાજપે આ જિલ્લામાં જીતી હતી 6 સીટ

ગોંડલ વિધાનસભા બેઠક રાજકોટ જિલ્લાની આઠ વિધાનસભા બેઠકો પૈકીની એક છે. 2017માં ભાજપે જિલ્લાની આઠમાંથી છ બેઠકો જીતી હતી. તે જ સમયે, કોંગ્રેસ બે બેઠકો જીતવામાં સફળ રહી હતી.

English summary

Gujarat Assembly election 2022: Check Gondal assembly seat equations