GPSC Recruitment: સરકારી નોકરીની સુવર્ણ તક, માહિતી નિયામકની ભરતી માટે ફરી કરી શકાશે અરજી, જાણો છેલ્લી તારીખ

By Desk

Updated: Friday, January 16, 2026, 19:05 [IST]

GPSC Recruitment: ગુજરાત જાહેર સેવા આયોગ (GPSC) દ્વારા સરકારી નોકરીની તૈયારી કરતા ઉમેદવારો માટે એક મહત્વના સમાચાર સામે આવ્યા છે. જાહેરાત ક્રમાંક 45/2025-26 હેઠળ નાયબ માહિતી નિયામક અને સહાયક માહિતી નિયામકની ભરતી માટે ઓનલાઇન અરજી કરવાની પ્રક્રિયા ફરીથી શરૂ કરવામાં આવી છે. જે ઉમેદવારો અગાઉ ફોર્મ ભરવાનું ચૂકી ગયા હતા, તેમના માટે આ એક ઉત્તમ તક છે.

કયા પદો માટે ફરી અરજી મંગાવવામાં આવી?

GPSC દ્વારા બહાર પાડવામાં આવેલી વિગતો મુજબ, નીચેના પદો માટે ઓનલાઇન પોર્ટલ ફરીથી ખોલવામાં આવ્યું છે:

નાયબ માહિતી નિયામક (વર્ગ-1)
સહાયક માહિતી નિયામક (સંપાદન, વર્ગ-2)

અરજી કરવા માટેનું નવું શિડ્યુલ

ઉમેદવારોએ સમયમર્યાદામાં પોતાની અરજી પૂર્ણ કરવાની રહેશે. આયોગ દ્વારા નક્કી કરવામાં આવેલી નવી તારીખો નીચે મુજબ છે:

અરજી શરૂ થવાની તારીખ: 16 જાન્યુઆરી, 2026 (બપોરે 1:00 કલાકથી)
અરજી કરવાની છેલ્લી તારીખ: 22 જાન્યુઆરી, 2026 (રાત્રિના 11:59 કલાક સુધી)

ગુજરાત જાહેર સેવા આયોગ દ્વારા આયોજિત જાહેરાત ક્રમાંક ૪૫/૨૦૨૫-૨૬

નાયબ માહિતી નિયામક (વર્ગ-૧) અને સહાયક માહિતી નિયામક (સંપાદન, વર્ગ-૨)ની ઓનલાઇન અરજીઓ મંગાવવા માટે વેબસાઈટ પુનઃ ખોલવામાં આવી....

તારીખ ૧૬-૦૧-૨૦૨૬ બપોરે (૧૩:૦૦ કલાક) થી આગામી તારીખ ૨૨- ૦૧-૨૦૨૬ (રાત્રિના ૧૧:૫૯ કલાક)… pic.twitter.com/7VEmiEAN5p
— Gujarat Information (@InfoGujarat) January 16, 2026

ઉમેદવારો માટે સૂચના

જે ઉમેદવારોએ હજુ સુધી આ જાહેરાત અંતર્ગત અરજી કરી નથી, તેઓ GPSCની સત્તાવાર વેબસાઇટ gpsc-ojas.gujarat.gov.in પર જઈને નિર્ધારિત સમયમાં ઓનલાઇન ફોર્મ ભરી શકે છે. છેલ્લી ઘડીએ સર્વર ડાઉન જેવી સમસ્યાઓથી બચવા માટે વહેલી તકે અરજી કરી લેવા સલાહ આપવામાં આવે છે.

કેવી રીતે અરજી કરવી?