યોગ દિવસે સીએમ સાથે યોગ કરો, જોડાવા માટે આવી રીતે કરાવો રજીસ્ટ્રેશન

વિશ્વ યોગ દિવસની ઉજવણી માટે ગુજરાત અને કેન્દ્ર સરકાર દ્વારા તૈયારીઓ કરવામાં આવી રહી છે. આ ક્રમમાં ગુજરાત સરકાર દ્વારા પણ ઉજવણી કરવામા આવશે. આ દિવસે મુખ્યમંત્રી સુરતમાં ઉપસ્થિત રહીને ઉજવણીમાં સહભાગી બનશે.

આગામી 21 જૂનના રોજ નવમા આંતરરાષ્ટ્રીય યોગ દિવસની રાજયવ્યાપી ઉજવણી રાજ્ય સરકાર દ્વારા કરવામાં આવનાર છે. આ દિવસે મુખ્યમંત્રી ભૂપેન્દ્રભાઈ પટેલના અધ્યક્ષસ્થાને રાજયકક્ષાનો કાર્યક્રમ સુરત ખાતે યોજાશે.

ગુજરાત રાજ્ય યોગ બોર્ડ દ્વારા 9માં આંતરરાષ્ટ્રીય યોગ દિવસની ઉજવણી કાર્યક્રમમાં ભાગ લેવા ઈચ્છતા લોકો http://desk.voiceey.com/idoy/પર નોંધણી કરાવીને સહભાગી બની શકે છે.

ગુજરાત રાજય યોગ બોર્ડ દ્વારા જણાવ્યા અનુસાર, ભારતીય સંસ્કૃતિની ધરોહર સમાન યોગ વિદ્યા વૈશ્વિક વિરાસતમાં સામેલ થઈ છે. અને સંયુક્ત રાષ્ટ્ર સંઘ દ્વારા યોગને માન્યતા મળી છે ત્યારે રાજયભરના નાગરિકો આ ઉજવણીમાં જોડાઈને દેશભરમાં યોગક્ષેત્રે પણ ગુજરાત નંબર વન બને તેવા પ્રયાસો કરવા અનુરોધ કરાયો છે.

અહીં તમને જણાવી દઈએ કે, ગુજરાત અને ભારત સાથે સાથે દુુનિયાભરમાં યોગ દિવસની ધામધુમથી ઉજવણી કરવામાં આવે છે. લાખો લોકો આ દિવસે એકસાથે યોગ કરીને આ ઉજવણીમાં ભાગીદાર બને છે. આ ક્રમમાં દરવર્ષે ગુજરાત સરકાર પણ યોગ દિવસની ધમાકેદાર ઉજવણી કરે છે. આ વર્ષે પણ ઉજવણી થશે.

English summary

Do yoga with CM on yoga day, register like this to join