CAAના વિરોધ વચ્ચે પાકિસ્તાની મુસ્લિમ મહિલાને ભારતની નાગરિકતા મળી

Updated: Thursday, December 19, 2019, 17:38 [IST]

Recommended Video

પાકિસ્તાનમાં પરીણિત મહિલાને મળી નાગરિક્તા, ભાણવડના હસીનાબેનને મળી ભારતની નાગરિક્તા

દેવભૂમિ દ્વારકાઃ નાગરિકતા સંશોધિત એક્ટ લાગૂ થઈ ગયા બાદ બેંગ્લોરથી દિલ્હી સુધી મોટા ભાગના શહેરોમાં વિરોધ પ્રદર્શનો ઉગ્ર બની રહ્યા છે. યૂપી, દિલ્હીમાં આગચંપી અને તોડફોડના બનાવો સામે આવી રહ્યા છે. આ બધાની વચ્ચે દ્વારકા કલેક્ટર ડૉ. નરેન્દ્ર કુમાર મીણાએ પાકિસ્તાનથી ભારત પરત ફરેલા મુસ્લિમ મહિલા હસીના બેનને ભારતીય નાગરિકતાનું પ્રમાણપત્ર આપ્યું છે.

જણાવી દઈએ કે હસિના બેનનો જન્મ ભાણવડ તાલુકામાં થયો હતો અને 1999માં લગ્ન બાદ તેમણે પાકિસ્તાની નાગરિકતા મેળવી હતી. પાકિસ્તાનમાં તેમના પતિના મૃત્યુ બાદ હસીના બહેને પરત ગુજરાત ફરવાનો નિર્ણય કર્યો અને બે વર્ષ બાદ તેમણે ભારતીય નાગરિકતા માટે અરજી કરી હતી. 18 ડિસેમ્બરના રોજ હસીના બેનને નાગરિકતા આપી દેવામાં આવી હતી.

દ્વારકા જિલ્લાના કલેક્ટર ડૉ. નરેન્દ્ર કુમાર મીનાએ કહ્યું કે, "હસીના બેનનો જન્મ ગુજરાતના ભાણવડ તાલુકામાં જ થયો હતો, લગ્ન બાદ તેઓ પાકિસ્તાન શિફ્ટ થયાં હતાં પરંતુ તેમના પતિનું મૃત્યુ થતાં હસીના બેન પરત ભારત ફર્યાં અને ભારતનું નાગરિકત્વ મેળવવા માટે અરજી કરી હતી. તેથી વિચારણા બાદ ભારત સરકારે હસીના બેનની અરજી સ્વીકારી લીધી. "