કોમી હિંસા વિરોધી બિલ વિરૂધ્ધ મોદીનો PMને પત્ર

ગાંધીનગર, 5 ડિસેમ્બર: ભાજપના વડાપ્રધાન પદના ઉમેદવાર નરેન્દ્ર મોદીએ કેન્દ્ર સરકાર પર એકવાર ફરી નિશાનો સાધ્યો છે. તેમણે કોમી હિંસા વિરોધી બિલનો વિરોધ કરતા વડાપ્રધાન મનમોહન સિંહને એક પત્ર લખ્યો છે. મોદીએ જણાવ્યું છે કે કોમી હિંસા વિરોધી બિલથી સમાજમાં ભાગલા પડશે.

નરેન્દ્ર મોદીએ વડાપ્રધાનને લખેલા પત્રમાં સંસદમાં સાંપ્રદાયિક હિંસા વિરોધી બિલ લાવવાના સમય પર સવાલ ઉઠાવતા જણાવ્યું છે કે વોટ બેન્કની રાજનીતિના પગલે આવું કરવામાં આવી રહ્યું છે. તેમણે બિલના ડ્રાફ્ટને ખરાબ ગણાવતા જણાવ્યું છે કે આ સંઘીય માળખાની વિરૂધ્ધ છે. મોદીએ લખ્યું છે કે આ બાબતે કાયદો રાજ્યોને જ બનાવવા દેવો જોઇએ. બીજી બાજું શિવસેનાએ પણ આ બિલનો વિરોધ કર્યો છે.

નોંધનીય છે કે ભારત મુસ્લિમ સંગઠનોએ કેન્દ્ર સરકારને કોમી હિંસા વિરોધી વિધેયક લાવવાની માંગ કરી છે. ભારતના પ્રમુખ મુસ્લિમ સંગઠનોએ ઉત્તર પ્રદેશના મુઝફ્ફરનગર અને તેની આસપાસના વિસ્તારોમાં થોડા દિવસો પહેલા ભડકેલી કોમી હિંસાની પૃષ્ઠભૂમિમાં કેન્દ્ર સરકારને માંગ કરી છે કે તે સાંપ્રદાયિક હિંસા વિરોધી વિધેયકને તાત્કાલિક પસાર કરાવો જેની પ્રક્રિયા ઠંડી પડી ગઇ છે.

ઉલ્લેખનીય છે કે કોંગ્રેસ અધ્યક્ષતાવાળી રાષ્ટ્રીય સલાહકાર પરિષદની દેખરેખમાં તૈયાર કોમી અને સુનિયોજિત સિંહા રોકધામ વિધેયક-2011નો ભાજપ અને કેટલાંક અન્ય દળોએ વિરોધ કર્યો હતો. ભાજપે આ બિલને બહુખંખ્યક વિરોધી વિધેયક ગણાવ્યું હતું.

English summary

As the UPA government is set to present the Contentious Communal Violence Bill in Lok Sabha winter session which is beginning today, BJP's prime ministerial candidate and Gujarat chief minister Narendra Modi has wrote to prime minister Manmohan Singh his conveying his opposition to the bill.