AAPમાં મોટું ગાબડું, 15 પૂર્વ હોદ્દેદારો સહિત 200 કાર્યકર્તાઓના કેસરિયા

આમ આદમી પાર્ટીના મંત્રીના હિંદુ વિરોધી શપથ ગ્રહણનો વીડિયો વાયરલ થતા આમ આદમી પાર્ટીથી નારાજ AAPના 15 પૂર્વ હોદ્દેદારો સહિત 200 કાર્યકર્તાઓ ભારતીય જનતા પાર્ટીમાં જોડાયા હતા. હજૂ તો ચૂંટણીની તારીખ નક્કી થાય એ પહેલાં જ ગુજરાતમાં પક્ષ પલટાની મોસમ પણ શરૂ થઇ ગઇ છે, ત્યારે ચૂંટણી પહેલાં જામનગર AAPમાં મોટું ગાબડું પડ્યું છે.

ગુજરાત વિધાનસભાની ચૂંટણી પહેલાં એક બાદ રાજકીય પક્ષમાં રાજીનામાનો દોર શરૂ થઇ ગયો છે. ક્યારેક AAPમાંથી કોઇ ભાજપમાં જોડાય છે, તો કોઇ કોંગ્રેસમાં તો ક્યારેક કોઇ કોંગ્રેસમાંથી ભાજપમાં કે AAPમાં જોડાય છે, તો ક્યારેક ભાજપમાંથી કોઇ AAPમાં અથવા તો કોંગ્રેસમાં જોડાય છે. ગુજરાતમાં વધુ એક વખત ચૂંટણી પહેલા જામનગર AAPમાં મોટું ગાબડું પડ્યું છે.

રાજ્યમાં ચૂંટણીને હવે વધુ સમય નથી રહ્યો, ત્યારે આ ચૂંટણીની જાહેરાત પહેલાં જ જામનગર AAPમાં મોટું ગાબડું પડી ગયું છે. આમ આદમી પાર્ટીથી નારાજ AAPના 15 જેટલા પૂર્વ હોદ્દેદારો અને 200 કાર્યકર્તાઓએ 9 ઓકટોબરના રોજ કેસરિયો ધારણ કરી લીધો છે.

જામનગર શહેરના અટલ ભવન ખાતે જિલ્લા ભાજપ પ્રમુખ રમેશ મૂંગરા સહિત સંગઠનના સભ્યોએ કેસરિયો ખેસ પહેરાવીને AAPના કાર્યકર્તાઓને ભાજપમાં આવકાર્યા છે. અટલ ભવન ખાતે જિલ્લા ભાજપ પ્રમુખની હાજરીમાં પૂર્વ હોદ્દેદારો અને કાર્યકર્તાઓ વિધિવત રીતે ભગવો ખેસ ધારણ કરીને ભાજપમાં જોડાયા.

English summary

Big gap in AAP, 200 workers including join Gujarat BJP