અશોક ચૌધરી અઢી વર્ષ માટે GCMMF ના ચેરમેન બન્યા, વાઈસ ચેરમેન તરીકે ગોરધન ધામેલિયાની નિમણૂક

ગુજરાત કો-ઓપરેટિવ મિલ્ક માર્કેટિંગ ફેડરેશન (GCMMF) જે સામાન્ય રીતે અમૂલ બ્રાન્ડથી ઓળખાય છે તેના નવા ચેરમેન અને વાઇસ ચેરમેનની આજે વરણી કરવામાં આવી છે. આ ચૂંટણી પ્રક્રિયામાં રાજ્યની 18 ડેરીઓના ચેરમેનોએ પોતાના મતાધિકારનો ઉપયોગ કર્યો હતો.

આ મહત્વપૂર્ણ ચૂંટણીમાં દૂધસાગર ડેરીના ચેરમેન અશોક ચૌધરીને GCMMFના નવા ચેરમેન તરીકે ચૂંટવામાં આવ્યા છે. તેઓ આગામી અઢી વર્ષ માટે આ પદભાર સંભાળશે. તેમની સાથે ગોરધન ધામેલિયા વાઇસ ચેરમેન તરીકે ચૂંટાયા છે.

GCMMFની અઢી વર્ષની કાર્યકાળ પૂર્ણ થતાં આ ચૂંટણી યોજાઈ હતી. ફેડરેશનના નેતૃત્વમાં આ ફેરફાર ડેરી ઉદ્યોગ અને લાખો દૂધ ઉત્પાદકો માટે મહત્વપૂર્ણ માનવામાં આવે છે.

નવનિયુક્ત ચેરમેન અને વાઇસ ચેરમેન ગુજરાતના ડેરી સહકારી ક્ષેત્રના વિકાસમાં મહત્વપૂર્ણ ભૂમિકા ભજવશે તેવી અપેક્ષા છે.

English summary

Ashok Chaudhary Appointed GCMMF Chairman for 2.5 Years, Gordhan Dhameliya is Vice Chairman