આજીવન કેદ ભોગવી રહેલ આસારામ વિરૂદ્ધ દુષ્કર્મનો બીજો કેસ, ગુજરાતની કોર્ટમાં સુનવણી

સગીર પર બળાત્કારના ગુનામાં દોષિત આસારામ આજીવન કેદની સજા કાપી રહ્યો છે. આ સિવાય તેના પુત્રને પણ બળાત્કારના કેસમાં આજીવન કેદની સજા ફટકારવામાં આવી છે. આસારામની 2013માં ધરપકડ કરવામાં આવી હતી. જે બાદ તેને 2018માં સજા સંભળાવવામાં આવી હતી. ત્યારથી તે રાજસ્થાનની જેલમાં છે. તેની સામે હવે વધુ એક કેસની સુનાવણી ચાલી રહી છે. આ કેસની ઓનલાઈન સુનાવણી ગાંધીનગર કોર્ટમાં થઈ હતી, જે દરમિયાન આસારામનું નિવેદન નોંધવામાં આવ્યું હતું.

ગુજરાત કોર્ટમાં સુનવણી

આસારામે કહ્યું કે તેમની વિરુદ્ધ ષડયંત્ર રચવામાં આવ્યું હતું. કોર્ટમાં તેણે કહ્યું કે તેને ફસાવવાનું કાવતરું ઘડવામાં આવ્યું છે. તેણે કહ્યું, 'હું જાણું છું કે મારી વિરુદ્ધ કોણે કાવતરું કર્યું. જે આરોપો લગાવવામાં આવ્યા છે તે તમામ લોકોનો હાથ છે જેમને 12 વર્ષ પહેલા મારા આશ્રમમાંથી કાઢી મૂકવામાં આવ્યા હતા. તેઓએ મને અને મારા પરિવારને ફસાવ્યો છે.

તમને જણાવી દઈએ કે સુરતની એક મહિલાએ પણ આસારામ વિરુદ્ધ બળાત્કારનો કેસ દાખલ કર્યો હતો. આ કેસ ગાંધીનગર જિલ્લા કોર્ટમાં 2014થી પેન્ડિંગ છે. સ્પેશિયલ પ્રોસિક્યુટર આરસી કોડેકરના જણાવ્યા અનુસાર, એડિશનલ ડિસ્ટ્રિક્ટ જજ ડીકે સોનિકે આરોપીઓને CrPCની કલમ 313 હેઠળ કેટલાક પ્રશ્નો અને જવાબો પૂછ્યા હતા. જ્યાં આસારામે પોતાનો બચાવ કર્યો હતો. તેણે એ પણ જણાવ્યું કે તેના પર બળાત્કારનો આરોપ કોણે અને શા માટે લગાવ્યો હતો.

175 પાનાઓમાં આસારામનુ નિવેદન નોંધાયુ

ટાઈમ્સ ઓફ ઈન્ડિયાના અહેવાલ મુજબ આસારામનું નિવેદન 175 પેજમાં રેકોર્ડ કરવામાં આવ્યું હતું. આસારામે રાજસ્થાનની જોધપુર સેન્ટ્રલ જેલમાંથી ગાંધીનગર જિલ્લા કોર્ટમાં વીડિયો કોન્ફરન્સિંગ દ્વારા પોતાના જવાબો આપ્યા હતા. આસારામે કહ્યું, 'મારી સામે નોંધાયેલી FIR નકલી છે. પોલીસ ફરિયાદી દ્વારા લગાવવામાં આવેલા આક્ષેપોની સત્યતા જાણવા માટે કોઈ પ્રયાસ કરી રહી નથી.

સાથે જ આ કેસના સહ-આરોપીઓની પણ પૂછપરછ કરવામાં આવશે, જેમાં આસારામની પત્ની, પુત્રી અને ચાર નજીકના સહયોગીઓનો સમાવેશ થાય છે.

આસારામના સંબંધીઓ પણ સહ આરોપી

બચાવ પક્ષના વકીલ ચંદ્રશેખર ગુપ્તાએ કહ્યું કે જ્યારે તેમનો કેસ રજૂ કરવાની તક આપવામાં આવી ત્યારે આસારામે માત્ર તેમની સામેના આરોપોને નકારી કાઢ્યા, પરંતુ કોર્ટને પણ કહ્યું કે આરોપો એક ષડયંત્રનો ભાગ છે. તેમનું કહેવું છે કે, 'જે લોકોને 12 વર્ષ પહેલા આશ્રમમાંથી કાઢી મૂકવામાં આવ્યા હતા, તેઓએ આ ષડયંત્ર રચ્યું હતું.'

આ બળાત્કારના કેસમાં પિતા અને પુત્ર બંને દોષિત

જે કેસમાં આસારામ હાલમાં આજીવન કેદની સજા ભોગવી રહ્યા છે, તે કેસ ઉત્તર પ્રદેશની એક સગીર છોકરીના જાતીય શોષણનો છે. દોષી ઠેરવવામાં આવતાં આસારામને વર્ષ 2018માં આજીવન કેદની સજા ફટકારવામાં આવી હતી. તે જ સમયે, આ બીજો કેસ ગુજરાતના સુરતની એક મહિલા દ્વારા દાખલ કરવામાં આવ્યો હતો. તે પણ આસારામની અનુયાયી હતી. ફરિયાદમાં કહેવામાં આવ્યું છે કે 1997 થી 2006 સુધી તેનું યૌન શોષણ થયું હતું. તે જ સમયે પીડિતાની નાની બહેને પણ આસારામના પુત્ર નારાયણ સાંઈ પર બળાત્કારનો આરોપ લગાવ્યો હતો. તેને (નારાયણ સાંઈ)ને પણ સુરત કોર્ટે આજીવન કેદની સજા ફટકારી હતી.

English summary

Another rape case against Asaram, who is serving life sentence, Hearing in Gujarat court