leader of the MLA party : અમિત ચાવડા બન્યા ધારાસભ્ય દળના નેતા, કોંગ્રેસે સોંપી જવાબદારી

leader of the MLA party : 46 વર્ષીય અમિત ચાવડા મધ્ય ગુજરાતના આણંદ જિલ્લામાંથી પાંચ વખત ધારાસભ્ય છે. તેમણે 2018 અને 2021 વચ્ચે ગુજરાત કોંગ્રેસના પ્રદેશ અધ્યક્ષ તરીકે સેવા આપી હતી.

Published: Wednesday, January 18, 2023, 9:23 [IST]

leader of the MLA party : ગુજરાતમાં કોંગ્રેસ દ્વારા મંગળવારના રોજ અમિત ચાવડાને ધારાસભ્ય દળના નેતા તરીકે નિમવામાં આવ્યા છે. આ સાથે શૈલેષ પરમારને ઉપનેતા બનાવવામાં આવ્યા છે. અમિત ચાવડા આ પહેલા ગુજરાત કોંગ્રેસ પ્રમુખ તરીકે ફરજ આપી ચૂક્યા છે.

આ અંગે જાણકારી અખિલ ભારતીય કોંગ્રેસ કમેટી (AICC) ના મહાસચિવ કે સી વેણુગોપાલ દ્વારા ગુજરાત કોંગ્રેસના અધ્યક્ષ જગદીશ ઠાકોરને લખેલા પત્રમાં સામે આવી છે. અત્રે ઉલ્લેખનીય છે કે, ગુજરાત વિધાનસભા સચિવાલયે તાજેતરમાં કોંગ્રેસને 19 જાન્યુઆરી પહેલા ગૃહમાં તેમના નેતાની નિમણૂક કરવા જણાવ્યું હતું.

પાંચ વખત ધારાસભ્ય રહ્યા છે અમિત ચાવડા

46 વર્ષીય અમિત ચાવડા મધ્ય ગુજરાતના આણંદ જિલ્લામાંથી પાંચ વખત ધારાસભ્ય છે. તેમણે 2018 અને 2021 વચ્ચે ગુજરાત કોંગ્રેસના પ્રદેશ અધ્યક્ષ તરીકે સેવા આપી હતી.

ગત વર્ષે ડિસેમ્બરમાં યોજાયેલી વિધાનસભાની ચૂંટણીમાં અમિત ચાવડાએ આણંદની આંકલાવ બેઠક પર જીત મેળવી હતી. આ ચૂંટણીમાં તેમણે ભાજપના ગુલાબસિંહ પઢિયારને હરાવ્યા હતા.

શૈલેષ પરમારને બનાવ્યા ઉપનેતા

બીજી તરફ ગૃહમાં ઉપનેતા બનેલા શૈલેષ પરમારની વાત કરીએ, તો તેઓ ગયા વર્ષે અમદાવાદની દાણીલીમડા બેઠક પરથી ચોથી વાર ચૂંટણી જીત્યા હતા. અનુસૂચિત જાતિ માટે અનામત બેઠક પર શૈલેષ પરમારે ભાજપના નરેશ વ્યાસને હરાવ્યા હતા.