ગુજરાતમાં શિયાળાને લઈને અંબાલાલ પટેલની મોટી આગાહી, જાણો શું કહ્યું?

અંબાલાલ પટેલે ગુજરાતમાં કાતિલ ઠંડી પડવાની સંભાવના વ્યક્ત કરી છે. આ સિવાય તેમણે જાન્યુઆરી મહિનામાં ગુજરાતમાં માવઠાની પણ આશંકા વ્યક્ત કરી છે.

By Desk

Published: Monday, December 26, 2022, 15:11 [IST]

અમદાવાદ : ગુજરાતમા મોડી મોડી ઠંડી વધી રહી છે ત્યારે હવે જાણીતા હવામાનશાસ્ત્રી અંબાલાલા પટેલે શિયાળાને લઈને મોટી આગાહી કરી છે. અંબાલાલા પટેલે આગાહી કરતા જણાવ્યુ છે કે, રાજ્યમાં રેકોર્ડ બ્રેક ઠંડી નોંધાશે.

હાલ રાજ્યમાં ધીરે ધીરે શિયાળો જામી રહ્યો છે અને લાંબો સમય તડકા પડ્યા બાદ હવે જીરૂ સહિતા શિયાળુ પાકો માટે અનુકુલ માહોલ બની રહ્યો છે ત્યારે હવે અંબાલાલ પટેલે શિયાળો કેવો રહેશે તેના વિશે વિગતે જણાવ્યુ છે.

અંબાલાલ પટેલે આગાહી કરતા જણાવ્યુ છે કે રાજ્યમાં આ વખતે કાતિલ ઠંડી નોંધાશે. તેમણે ઉત્તર ગુજરાતમાં ખતરનાક ઠંડી પડવા સામે સાથે પાટણ અને મહેસાણામાં પારો 8 ડિગ્રી નીચે જવાની પણ આગાહી કરી છે. આ ઉપરાંત મધ્ય અને દક્ષિણ ગુજરાતની વાત કરતા તેમણે જણાવ્યુ છે કે અમદાવાદમાં ઠંડી 10 ડિગ્રી નોંધાશે અને સુરત તેમજ વલસાડમાં પણ ખતરનાક ઠંડી જોવા મળશે.

ગુજરાતમાં સૌથી વધુ ઠંડી કચ્છના નલિયામાં નોંધાય છે ત્યારે અંબાલાલ પટેલે જણાવ્યુ છે કે નલિયામાં ઠંડીનો પારો 5 ડિગ્રી સુધી નીચે જશે. અંબાલાલ પટેલે સૌથી મોટી વાત કરતા એ પણ જણાવ્યુ છે કે જાન્યુઆરી મહિનામાં ગુજરાતમાં માવઠું થઈ શકે છે.

અહીં તમને જણાવી દઈએ કે અંબાલાલ પટેલ વરસાદ સહિતની હવામાન સાથે જોડાયેલી બાબતોની આગાહી કરવા માટે જાણીતા છે. તેઓ સમયે સમયે હવામાનને લગતી બાબતોની આગાહી કરતા રહે છે.

Published On December 26, 2022