સ્થાનિક સ્વરાજની ચૂંટણી માંટે AAP એ 460 ઉમેદવારોની પ્રથમ યાદી જાહેર કરી

ગુજરાતમાં આગામી સ્થાનિક સ્વરાજની ચૂંટણીઓનો જંગ તેજ બન્યો છે. આમ આદમી પાર્ટીએ અન્ય પક્ષો કરતા વહેલા ઉમેદવારોની પ્રથમ યાદી જાહેર કરી દીધી છે.

ચૂંટણીના સત્તાવાર એલાન પહેલા જ 'આપ' દ્વારા કુલ 460 ઉમેદવારોના નામ નક્કી કરાયા છે. જેમાં ખાસ કરીને જિલ્લા અને તાલુકા પંચાયતના પ્રતિનિધિઓનો સમાવેશ થાય છે.

પાર્ટી સૂત્રોના જણાવ્યા અનુસાર નગરપાલિકા અને મહાનગરપાલિકા માટેના નામો પણ ફાઈનલ છે. સ્ક્રીનિંગ કમિટી અને હાઈકમાન્ડની મંજૂરી બાદ આ નામો પર મહોર મારવામાં આવી છે.

આગામી દિવસોમાં જ્યારે અરવિંદ કેજરીવાલ ગુજરાતની મુલાકાતે આવશે ત્યારે બીજી યાદી જાહેર થાય તેવી શક્યતા છે. આ મુલાકાતને લઈને કાર્યકરોમાં ભારે ઉત્સાહ જોવા મળી રહ્યો છે.

AAP નેતા ઈસુદાન ગઢવીએ ટિકિટ વિતરણ અંગે મહત્વનું નિવેદન આપ્યું હતું. તેમણે સ્પષ્ટ કર્યું કે આ વખતે કોઈ મોટા નેતાઓના સંતાનોને પક્ષમાં સ્થાન આપવામાં આવ્યું નથી.

પક્ષનો મુખ્ય ઉદ્દેશ્ય સામાન્ય જનતાને રાજનીતિમાં લાવવાનો અને તેમને સત્તા સોંપવાનો છે. ગઢવીએ ઉમેર્યું કે હવે ખરા અર્થમાં સામાન્ય લોકોની રાજનીતિની શરૂઆત ગુજરાતમાં થશે.

English summary

The Aam Aadmi Party has released its initial list of candidates for Gujarat local elections, approved by the screening committee. The items cover taluka and district panchayats as well as municipal bodies, with indications of a subsequent list during Arvind Kejriwal's Gujarat tour. The party emphasises tickets for ordinary citizens rather than party or family connections.