રાજ્યસભા ચૂંટણી માટે ગુજરાતમાંથી 4 નામો જાહેર, સુરતના અગ્રણી ઉદ્યોગપતિને ટિકિટ

By Desk

Published: Wednesday, February 14, 2024, 14:54 [IST]

રાજ્યસભાની ખાલી થઈ રહેલી સીટો માટે ગુજરાતમાંથી બીજેપીએ તેના ઉમેદવારોના નામ જાહેર કર્યા છે. આ લિસ્ટમાં એક નામે લોકોને ચૌકાવ્યા છે.

ગુજરાતમાં 4 સીટો માટે બીજેપીએ નામોની જાહેરાત કરી છે. આ લિસ્ટમાં સુરતના જાણીતા ઉદ્યોગપતિ ગોવિંદ ધોળકિયાનું પણ નામ સામેલ છે.

આ સિવાય લિસ્ટમાં બીજેપીના રાષ્ટ્રિય અધ્યક્ષ જેપી નડ્ડા, બીજેપી બક્ષીપંચ મોરચાના અધ્યક્ષ મયંક નાયક અને મધ્ય ગુજરાતના બીજેપી નેતા જશવંતસિંહ પરમારનું નામ સામેલ છે.

આ વખતે પણ બીજેપીએ ઉમેદવારોના નામ જાહેર કરીને લોકોને ચૌકાવ્યા છે. આમાંથી મોટાભાગના નામ એવા છે જે ચર્ચામાં નહોતા અને ઉમેદવાર તરીકે સામે આવ્યા છે.

અહીં તમને એ પણ જણાવી દઈએ કે, વિધાનસભામાં એકતરફી બહુમતિને કારણે કોંગ્રેસ આ વખતે કોઈપણ ઉમેદવારને મેદાનમાં નહીં ઉતારે. આ તમામ નેતાઓ સાંસદ બનીને રાજ્યસભા જશે તે લગભગ નક્કી છે.

Published On February 14, 2024