પરીક્ષા વગર 10 યુવક લઇ રહ્યા છે PSIની ટ્રેઇનિંગ, કાર્યકારી DGPને સોંપાઇ તપાસ

Gujarat Police Scam : સ્પર્ધાત્મક પરીક્ષાઓના પ્રશ્નપત્રો લીક થતા અટકાવવા માટે ગુજરાત સરકારે નવો કાયદો પસાર કર્યો છે, પરંતુ હવે એક કિસ્સો પ્રકાશમાં આવ્યો છે, જેમાં 10 યુવકો પરીક્ષા આપ્યા વગર જ PSIની તાલીમમાં જોડાઈ ગયા છે.

Gujarat Police Scam : ગુજરાત સરકારે ઉમેદવારોની પરીક્ષાના પ્રશ્નપત્ર લીક થતા રોકવાના હેતુથી નવો કાયદો પસાર કર્યો છે. આ વચ્ચે હવે એવો મામલો સામે આવ્યો છે કે, જેમાં પરીક્ષા આપ્યા વિના 10 યુવક પોલીસ સબ ઇન્સપેક્ટરની ટ્રેઇનિંગમાં સામેલ થઇ ગયા છે.

વિદ્યાર્થી નેતા યુવરાજ સિંહએ આ પ્રકરણમાં આરોપ લગાવ્યો છે કે, આ ઘટનામાં પોલીસ મહાનિદેશક કાર્યાલયની સાઠગાઠ હોવાનો આરોપ લગાવ્યો છે. રાજ્ય સરકારે પણ આ મામલો ગંભીરતાથી લેતા કાર્યકારી પોલીસ મહાનિદેશક વિકાસ સહાયને તપાસના આદેશ આપ્યા છે.

દસ્તાવેજને સાર્વજનિક કરતાં વિદ્યાર્થી નેતા યુવરાજ સિંહે જણાવ્યું હતું કે, ગાંધીનગર સ્થિત કરાઈ પોલીસ એકેડેમીમાં પોલીસ સબ ઈન્સ્પેક્ટરની તાલીમ માટે લેખિત અને શારીરિક કસોટી આપ્યા વગર જ 10 યુવાનોની પસંદગી થઈ છે. યુવક મયુર તડવીનો ફોટો જાહેર કરતાં યુવરાજે જણાવ્યું હતું કે, 2021માં પીએસઆઈની 1382 જગ્યાઓ માટેની ભરતીમાં 10 યુવકોને પરીક્ષા આપ્યા વગર જ આ જ રીતે પસંદ કરવામાં આવ્યા છે.

યુવરાજસિંહે આરોપ લગાવ્યો છે કે, આ યુવકોને 40-40 લાખ રૂપિયા લઈને સીધા જ ભરતી કરવામાં આવ્યા છે. તેમનો નિમણૂક પત્ર સીધો પોલીસ મહાનિર્દેશકની કચેરીમાંથી જાહેર કરવામાં આવ્યો છે. તેથી યુવરાજે જણાવ્યું હતું કે, આ DGP ઓફિસના કોઈપણ અધિકારીની સંડોવણીના સીધા પુરાવા છે. આ પરીક્ષાની યાદીમાં આ ઉમેદવારોના નામ સામેલ નથી.

ગયા અઠવાડિયે ગુજરાત સરકાર દ્વારા પેપર લીક જેવા મામલાઓનો સામનો કરવા માટે ગૃહમાં નવું બિલ રજૂ કરવામાં હતું, જેમાં દાવો કરવામાં આવ્યો હતો કે, તે સ્પર્ધાત્મક પરીક્ષાઓના પ્રશ્નપત્રો લીક થવાનું બંધ કરશે, પરંતુ તાજેતરના કિસ્સામાં, 10 યુવાનોને PSIમાં પસંદ કર્યા વગર ભરતી કર્યા છે. લેખિત અને શારીરિક તપાસ કરાવવાની બાબતમાં પોલીસ સેવા ભરતી બોર્ડની કામગીરીનો પર્દાફાશ થયો છે.

હાર્દિક પટેલે ઉઠાવ્યો હતો વિધાનસભામાં આ મુદ્દો

પાટીદાર નેતા અને યુવા ધારાસભ્ય હાર્દિક પટેલે વિધાનસભામાં જણાવ્યું હતું કે, તેમના મતવિસ્તારમાં રાષ્ટ્રીય ખાદ્ય સુરક્ષા કાયદા હેઠળ વિતરણ કરવામાં આવતા રાશનનો લાભ ઘણા વાહનો, બંગલા અને જમીનના માલિકો લઈ રહ્યા છે. હાર્દિકનું કહેવું છે કે, વિરમગામ વિસ્તારમાં મોટી સંખ્યામાં લોકોએ બીપીએલ કાર્ડ બનાવ્યા છે. હાર્દિકે સરકારને પૂછ્યું છે કે, શું તે તેમની તપાસ કરાવ્યા બાદ તેમને રદ્દ કરવા માંગે છે કે નહીં.

English summary

10 youths are taking PSI training without examination, investigation handed over to acting DGP