Ganesh Visarajan 2025 : ગણેશ વિસર્જનના દિવસે અમદાવાદના આ રસ્તા બંધ રહેશે

Ganesh Visarajan 2025 : ગણેશ વિસર્જનના તહેવારને ધ્યાનમાં રાખીને અમદાવાદ ટ્રાફિક પોલીસે શહેરમાં કેટલાક રસ્તાઓ બંધ રાખવાની જાહેરાત કરી છે.

આ નિર્ણય ગણેશ ભક્તોની સુરક્ષા અને ટ્રાફિક વ્યવસ્થા જાળવી રાખવા માટે લેવામાં આવ્યો છે. વિસર્જનના દિવસે બપોરના 1 વાગ્યાથી અમદાવાદના મુખ્ય માર્ગો પર વાહનવ્યવહાર બંધ રહેશે.

કયા રસ્તાઓ બંધ રહેશે?

• સાબરમતી રિવરફ્રન્ટ પર પૂર્વ અને પશ્ચિમ, બંને તરફનો રસ્તો વાહનવ્યવહાર માટે બંધ રહેશે.
• શહેરના કોટ વિસ્તારમાં જમાલપુર, લાલ દરવાજા, ખમાસા, ઘીકાંટા, મિરઝાપુર અને દિલ્હી દરવાજા તરફના રસ્તાઓ બંધ રહેશે.
• પાલડીથી ગીતા મંદિર, કાલુપુર રેલવે સ્ટેશન અને ખમાસાથી એલિસબ્રિજ તરફના રસ્તાઓ પર પણ વાહનોની અવરજવર પર પ્રતિબંધ રહેશે.
• ગીતામંદિર એસ.ટી. બસ સ્ટેન્ડથી જમાલપુર બ્રિજ અને સારંગપુરથી કાલુપુર તરફનો માર્ગ પણ બંધ રહેશે.
• રખિયાલ ચાર રસ્તાથી સરસપુર આઈટીઆઈ અને ગુરુદ્વારા તરફનો રસ્તો પણ બંધ રહેશે.

શહેરના નાગરિકોને મુશ્કેલી ન પડે તે માટે ટ્રાફિક પોલીસે વૈકલ્પિક માર્ગોની પણ વ્યવસ્થા કરી છે. આ ઉપરાંત AMTS બસ સેવાના રૂટમાં પણ ફેરફાર કરવામાં આવ્યા છે, જેથી મુસાફરોને બિનજરૂરી રાહ ન જોવી પડે. નાગરિકોને અપીલ છે કે તેઓ ઘરેથી નીકળતા પહેલા વૈકલ્પિક રસ્તાઓ વિશે માહિતી મેળવી લે.

English summary

Ganesh Visarjan 2025: Ahmedabad Road Closures Announced