Ahmedabad rain : અમદાવાદમાં છેલ્લા 24 કલાકમાં 2.12 ઈંચ વરસાદ નોંધાયો, વિસ્તાર મુજબ આંકડા જાણો

Ahmedabad rain : રવિવારે સવારથી જ અમદાવાદ શહેરમાં મધ્યમથી ભારે વરસાદ જોવા મળ્યો છે. અમદાવાદ મ્યુનિસિપલ કોર્પોરેશનના આંકડા અનુસાર, સવારે ૬ વાગ્યાથી બપોરના ૧ વાગ્યા સુધીમાં શહેરના ઘણા વિસ્તારોમાં સારો વરસાદ નોંધાયો છે.

છેલ્લા ૨૪ કલાકમાં સૌથી વધુ વરસાદ રાણીપ વિસ્તારમાં નોંધાયો. અહીં 2.12 ઈંચ વરસાદ પડ્યો છે. આ પછી સરદારનગર 1.99 ઈંચ, કોતરપુરમાં 1.77 ઈંચ, બકરોલમાં 1.79 ઈંચ અને નરોડામાં 1.73 ઈંચ વરસાદ નોંધાયો છે.

આ સિવાય થલતેજમાં ૧.૭૫ ઈંચ, ચાંદલોડિયામાં ૧.૬૩ ઈંચ અને હાંસપુરામાં ૧.૫૯ ઈંચ વરસાદ નોંધાયો છે.

શહેરનો કુલ સરેરાશ વરસાદ ૨૪ કલાકમાં ૨૮.૪ મિલીમીટર એટલે કે ૧.૧૨ ઈંચ નોંધાયો છે. AMCના કંટ્રોલ રૂમના જણાવ્યા અનુસાર, અત્યાર સુધીમાં અમદાવાદમાં આ મોસમનો કુલ વરસાદ ૮૧૬.૬૮ મિલીમીટર ૩૨.૧૬ ઈંચ વરસાદ નોંધાયો છે.

વરસાદને કારણે વાસણા બેરેજમાં પાણીનું સ્તર પણ સતત વધી રહ્યું છે, જેથી પાણીના ઇનફ્લો અને આઉટફ્લોને નિયંત્રિત કરવા સંત સરોવર નદીની ૨૫ કેનાલના દરવાજા આંશિક રીતે ખુલ્લા રાખવામાં આવ્યા છે.

English summary

Ahmedabad Rain: Up to 2.12 Inches in 24 Hours, Check Ward-Wise Details