દીયા ઔર બાતી: સંધ્યા સુરજની નહી, પણ બનશે રોહિતની બિંદડી

By Kumar Dushyant

Updated: Wednesday, March 26, 2014, 15:57 [IST]

જી હાં...મિત્રો તમે સાચું સાંભળ્યું...તમારા મનપસંદ સ્ટાર પ્લસના શો.. 'દીયા ઔર બાતી હમ...ની સંધ્યા ઉર્ફ દીપિકા સિંહ રિયલમાં લગ્ન કરવા જઇ રહી છે. એવા સમાચાર છે કે તે બીજા શૉના ડાયરેક્ટર રોહિત રાજ ગોયલ સાથે આ વર્ષે મે મહિનામાં લગ્નના બંધનમાં બંધાઇ જશે. દીપિકા અને રોહિત લાંબા સમયથી એકબીજાની સાથે ડેટિંગ કરી રહ્યાં હતા. આ વાતની ખબર દીપિકા સિંહે પોતે મીડિયાને આપી છે.

અત્રે ઉલ્લેખનીય છે કે દીપિકા અને રોહિત ગોયલ એક જ જેવો સ્વભાવ ધરાવે છે અને એક શહેર દિલ્હીના રહેવાસી છે. જો કે બંનેના લગ્ન બંનેના પરિવારજનોની મરજી અને સહમતીથી થઇ રહ્યાં છે. બંનેના પરિવારવાળાએ બંનેના સંબંધોને આગળ વધાર્યા છે.

જો કે દીપિકા સિંહનું કહેવું છે કે રોહિત ગોયલ અને દીપિકા સિંહ ત્યારે નજીક આવ્યા જ્યારે દીપિકા સિંહના પરિવારે રોહિત ગોયલને પસંદ કરી લીધો. રોહિત ગોયલને દીપિકાના ઘરવાળાઓએ તેની બહેનના લગ્નમાં જોયા હતા.

રોહિતને ઘણો મદદગાર અને કેયરિંગ ગણાવનાર દીપિકાએ કહ્યું હતું કે તેમણે જ દીપિકાને 'દિયા ઔર બાતી હમ' કરવામાં મદદ કરી હતી. દીપિકાએ એમપણ કહ્યું હતું કે લગ્ન બાદ તેમની પ્રોફેશનલ લાઇફમાં કોઇ ફરક નહી પડે એટલા માટે તે કામ ચાલુ રાખશે.