Pics : માયકલ જૅક્સનના વણસાંભળેલા ગીતો લૉન્ચ થશે

Published: Tuesday, August 13, 2013, 12:39 [IST]

લંડન, 13 ઑગસ્ટ : પૉપ જગતની જાણીતી હસ્તી સ્વર્ગસ્થ માયકલ જૅક્સનના ભૂતપૂર્વ સંગીત નિર્માતાએ તેમના વણસાંભળેલા ગીતોને લૉન્ચ કરવાનું આયોજન કર્યું છે.

કૉન્ટૅક્ટમ્યુઝિક.કૉમ વેબસાઇટના જણાવ્યા મુજબ પોતાના ભાઈ રૉડની સાથે ડાર્કચાઇલ્ડમાં કામ કરનાર ફ્રેડ જરકિંસ તૃતીયે દાવો કર્યો છે કે એક યોજના હેઠળ તેઓ માયકલ જૅક્સનનું સંગીત તથા વીડિયો ફુટેજ એકઠાં કરી રહ્યાં છે. નોંધનીય છે કે માયકલ જૅક્સનનું જૂન-2009માં વધુ પડતી દવા લેવાના કારણે મોત થઈ ગયુ હતું.

ફ્રેડે જણાવ્યું - અમારી પાસે જૅક્સનના ઘણા બધાં અપ્રદર્શિત ગીતો અને વીડિયો ફુટેજ છે. અમે એક પ્રોજેક્ટ બનાવ્યું છે કે જેમાં અમે આ ગીતોને જોડીશું. ફ્રેડે 2001માં જૅક્સન સાથે ઇનવિંસિબલ આલબમમાં કામ કર્યુ હતું. તેમણે જણાવ્યું હતું કે તે દિવસો તેમના કૅરિયરના સૌથી સારા દિવસો હતાં, કારણ કે માયકલ જૅક્સન ખૂબ જ નિશ્ચિંત અને મસ્ત માણસ હતાં. ફ્રેડે જણાવ્યું - હું તેમની સાથે માત્ર બે જ વરસ કામ કરી શક્યો. સાચે જ તેઓ બિંદાસ્ત હતાં. હકીકતમાં અમે એક સારા મિત્ર બની ગયા હતાં.

આવો તસવીરો સાથે જાણીએ માયકલ જૅક્સન અંગે વધુ વિગતો :

વધુ પડતી દવાઓ બની મોત

માયકલ જૅક્સનનું મોત ડ્રગ્સના ઓવરડોઝના કારણે થયુ હતું. ડેલી મેલના જણાવ્યા મુજબ વધુ પડતી માત્રામા ડ્રગ્સ લેવાના પગલે માયકલના હિપ્સ એટલા સખત થઈ ગયા હતાં કે એક વાર ડૉક્ટરનું ઇંજેક્શન જ તુટી ગયુ હતું.

યૌન શોષણનો આરોપ

નૃત્ય દિગ્દર્શક વેડ રૉબસને માયકલ જૅક્સન સામે આરોપ લગાવ્યો હતો કે તેઓ બાળકોનું જાતિય શોષણ કરતી વખતે બેડરૂમની બહાર ઍલાર્મ લગાવી લેતા હતાં કે જેથી તેઓ ઝડપાઈ ન જાય.

પુત્રીએ કર્યો આપઘાતનો પ્રયાસ

માયકલના પુત્રી પેરિસે થોડાક મહીના અગાઉ કૅલીફોર્નિયાના કાલાબાસાસ ખાતે આવેલ પોતાના ઘરે પોતાના કાંડાની નસ કાપી લીધી હતી. તે પછી તેને તરત હૉસ્પિટલે લઈ જવાઈ હતી.