Pics : ધ એક્સ ફૅક્ટરમાં પરફૉર્મ નહીં કરે લૅડી ગાગા

Published: Friday, October 4, 2013, 11:52 [IST]

લંડન, 4 ઑક્ટોબર : જાણીતા પૉપ ગાયિકા લૅડી ગાગાએ રિયલિટી શો ધ એક્સ ફૅક્ટરમાં પોતાનું ખાસ પરફૉર્મન્સ નહીં આપવાની ધમકી આપી છે. તેમણે આ પગલું શોના નિર્ણાયક શૅરોન ઑસબૉર્ન દ્વારા તેમની સામે કરાયેલ અભદ્ર ટિપ્પણી બાદ ભર્યું છે. ઑસબૉર્ને ગાગાને તેમની આત્મકથામાં એક અધમ તથા પાખંડી મહિલા ગણાવી હતી.

ડેલીસ્ટાર.કો.યૂકે વેબસાઇટના જણાવ્યા મુજબ ઑસબૉર્ને દાવો કર્યો છે કે લૅડી ગાગાએ પોતાના ફૅન્સને તેમના 28 વર્ષીય પુત્રી કૅલીને ઑનલાઇન ગાળો આપી પરેશાન કરવા કહ્યુ હતું. કહેવાય છે કે 27 વર્ષીય ગાગાએ ઑસબૉર્ન સામે વળતો પ્રહાર કરતા જણાવ્યુ હતું કે જે છત તળે ઑસબૉર્ન હશે, ત્યાં પરફૉર્મ કરવાનું મન નથી.

એક સૂત્રે જણાવ્યું કે ગાગાની ટિપ્પણી અંગે ઑસબૉર્ને કોઈ પ્રત્યુત્તર વાળ્યો નથી અને હવે ગાગાનો પરફૉર્મ નહીં કરવાનો નિર્ણય એક ગંભીર મુદ્દો બની ગયો છે. એમ તો શોના નિર્માતા લૅડી ગાગાને પ્રસ્તુતિ આપવા માટે રિઝવવાની દરેક રીત અપનાવવા તૈયાર છે. આ શોના માલિકના એક નજીકના સૂત્રે જણાવ્યું - મને વિશ્વાસ છે કે લૅડી ગાગાને મનાવવા માટે અમારાથી જે થઈ શકશે, અમે કરીશું.

ધ સીક્રેટ સર્વિસમાં મહેમાન કલાકાર

લૅડી ગાગા ફિલ્મ ધ સીક્રેટ સર્વિસમાં મહેમાન કલાકારની ભૂમિકા ભજવશે. ગાગાએ બ્રિટિશ દિગ્દર્શક મૅથ્યુ વૉનને શૂટિંગ માટે એક દિવસનો સમય ફાળવ્યો છે.

મંચ ઉપર જીવંત

તાજેતરમાં જ લૅડી ગાગાએ જણાવ્યુ હતું કે તેઓ મંચ ઉપર જીવંત અનુભવે છે. તેમણે જણાવ્યુ હતું - જ્યારે હું મંચ ઉપર નથી હોતી, તો હું જીવંત નથી અનુભવતી, પણ જ્યારે હું મંચ ઉપર હોઉ છું, તો એવું લાગે છે કે હું જે પણ વિચારુ છું અને જે કંઈ અનુભવું છે, તે બધુ મારી પાસે છે.