Birthday Spcl : ઓગણચાલીસી એંજેલિનાની 39 તસવીરો!

Updated: Wednesday, June 4, 2014, 17:50 [IST]

જાણીતા અને સેક્સી હૉલીવુડ અભિનેત્રી એંજેલિના જોલી આજે પોતાનો 39મો જન્મ દિવસ ઉજવી રહ્યાં છે. તેમનો જન્મ 4થી જૂન, 1975ના રોજ અમેરિકામાં થયો હતો. તેઓ દુનિયાના સૌથી સુંદર મહિલાઓમાંના એક ગણાય છે. એંજેલિના જોલી છેલ્લા 9 વર્ષોથી લિવ-ઇન પાર્ટનર બ્રૅડ પિટ સાથે રહે છે અને બંનેના 6 બાળકો પણ છે.

માત્ર 14 વર્ષની વયે ફૅશન મૉડેલ તરીકે કૅરિયર શરૂ કરનાર એંજેલિના જોલી અત્યાર સુધી કૉમેડી, એક્શન ડ્રામાથી માંડી થ્રિલર સુધી તમામ પ્રકારની ફિલ્મો કરી ચુક્યા છે. તેમને અત્યાર સુધી ત્રણ ગોલ્ડન ગ્લોબ પુરસ્કારો, બે સ્ક્રીની એક્ટર્સ ગિલ્ટ ઍવૉર્ડ્સ તથા એક એકેડેમી પુરસ્કાર હાસલ થયાં છે. તેમણે હૉલીવુડમાં અનેક હિટ ફિલ્મો આપી છે.

એંજેલિના જોલી ટૅટૂ માટે ખાસ ચર્ચિત રહે છે. તેમના શરીરના જુદા-જુદા ભાગે એક, બે નહીં, પણ 13 ટૅટ છે, પરંતુ તેમની અનેક ફિલ્મોમાં ટૅટૂને મેક-અપ વડે ઢાંકી દેવાય છે. એંજેલિના જોલીના લિવ ઇન પાર્ટનર બ્રૅડ પિટ છે અને એંજેલિના જોલી-બ્રૅડ પિટની જોડી દુનિયાની સૌથી ચર્ચિત જોડી ગણાય છે. આ જોડી હૉલીવુડ જ નહીં, પણ દુનિયાની સૌથી આકર્ષક જોડી મનાય છે. આ જોડી બ્રૅંજેલિના તરીકે પણ ઓળખાય છે.

બ્રૅંજેલિના છેલ્લા 9 વર્ષથી સાથે રહે છે અને આ દરમિયાન એંજેલિનાએ બ્રૅડ પિટના 3 બાળકોને જન્મ આપ્યાં છે, જ્યારે ત્રણ બાળકો આ જોડીએ દત્તક લીધા છે. ચર્ચા છે કે બ્રૅંજેલિના ટુંકમાં જ લગ્ન કરી શકે છે. તેમણે શોપિંગ પણ શરૂ કરી દીધું છે, પરંતુ એંજેલિના હાલ આવી વાતોને માત્ર અફવા કહે છે. જોકે તેઓ એટલુ જરૂર કહે છે કે તેઓ ટુંકમાં જ લગ્નનું પ્લાનિંગ કરી રહ્યાં છે. એંજેલિના જોલીના આ ત્રીજા લગ્ન હશે. અગાઉ તેઓ બે વાર છુટાછેડા લઈ ચુક્યાં છે.

ચાલો તસવીરોમાં જોઇએ ‘એંજેલિના જોલી - મોસ્ટ વૉન્ટેડ@39' :