સચિન-જીગરનું નવું સોંગ ‘બેની’ થયું રિલીઝ, અહીં સાંભળો!

બોલીવુડના જાણીતી સિંગર અને કમ્પોઝર જોડી સચિન-જીગરનું નવું સિંગલ આવી ગયું છે.

Updated: Thursday, February 27, 2020, 15:27 [IST]

બોલીવુડના જાણીતી સિંગર અને કમ્પોઝર જોડી સચિન-જીગરનું નવું સિંગલ આવી ગયું છે. સચિન-જીગરનું નવું સિંગલ 'બેની’ યુટ્યુબ પર રિલીઝ થઈ ચૂક્યુ છે. અને રિલીઝ થતાની સાથે જ આ ગીત સોશિયલ મીડિયા પર વાઈરલ થઈ રહ્યું છે. સચિન-જીગરનું આ ગીત બહેનોને ડેડિકેટેડ છે. તેમાં બહેન અંગેની લાગણીઓને મ્યુઝિક સાથે વણી લેવામાં આવી છે.

સચિન-જીગરનું નવું ગીત

આ ગીત શરૂ થાય ત્યારે જ જે શબ્દો લખાઈને આવે છે, એનાથી જ તમને તમારી બહેન સાથે તમે કરેલી તોફાન, મસ્તી, વ્હાલ એમ બધી જ લાગણીઓ યાદ આવી જશે. આ શબ્દો છે, ‘થોડી પાગલ અને, થોડી જંગલી પણ સહુથી વ્હાલી, એવી ઢિંગલી એવું પ્રાણી, જે ઝઘડે પણ અને સૌથી વધારે ગમે પણ બેની'. આ સિંગલના શબ્દો પ્રિયા સરૈયાએ લખ્યા છે. અને ગીતને સચિન જીગરે ગાયુ છે. તો મ્યુઝિક પણ સચિન જીગરે જ આપ્યુ છે, અને અરૂણિમા શર્માએ ગીતને ડિરેક્ટ કર્યુ છે.

યૂટ્યૂબ પર દર્શકોએ પસંદ કર્યું

માત્ર 24 કલાકમાં જ ગીતને યુટ્યુબ પર ઢગલાબંધ વ્યુઝ મળી રહ્યા છે. આ ગીતને સચિન-જીગરની ઓફિશિયલ યુટ્યુબ ચેનલ પર રિલીઝ કરવામાં આવ્યુ છે. ખાસ વાત એ છે કે આ ગીતમાં જાણીતા ગુજરાતી સેલિબ્રિટીઝ અતુલ પુરોહિત, આરોહી, મનન દેસાઈ, આરજે દેવકી, આરજે ધ્વનિત, અદિતી રાવલ, કિંજલ દવે, ગીતા રબારી, આદિત્ય ગઢવી, દિવ્યાકુમાર પણ જોવા મળશે. મોટા ભાગના સેલિબ્રિટીઝ ભાઈ-બહેન સાથે પહેલીવાર સાથે દેખાઈ રહ્યા છે.

તમામ બહેનોને ડેડિકેટ

સચિન-જીગરે આ ગીતને તમામ બહેનોને ડેડિકેટ કર્યુ છે. આ ગીતની સાથે તેમની ઓફિશિયલ યુટ્યુબ ચેનલ પર ગીતની નીચે કમેન્ટમાં પણ બહેનો માટે મેસેજ લખવામાં આવ્યો છે.