ધમકી મળ્યા બાદ વધારવામાં આવી સલમાન ખાનની સિક્યોરિટી, ઘણા બૉડીગાર્ડ પણ સુરક્ષામાં તૈનાત

સલમાન ખાન અને તેના પિતા સલીમ ખાનને ધમકીભર્યો પત્ર મળ્યો. ત્યારબાદથી જ બંનેની સુરક્ષા વધારી દેવામાં આવી છે.

મુંબઈઃ હાલમાં જ બૉલિવુડ સુપરસ્ટાર સલમાન ખાન અને તેના પિતા સલીમ ખાનને ધમકીભર્યો પત્ર મળ્યો. ત્યારબાદથી જ બંનેની સુરક્ષા વધારી દેવામાં આવી છે. આ દરમિયાન સોમવારે સલમાન ખાન સાથે મુંબઈના કલિના એરપોર્ટ પર પોલિસ સિક્યોરિટી જોવા મળી. ઈન્સ્ટાગ્રામ પર એક વીડિયો શેર કરવામાં આવ્યો છે જેમાં જોઈ શકાય છે કે સલમાન ખાનની કાર એરપોર્ટ પહોંચી અને પછી એક પોલિસ અધિકારી કારમાંથી ઉતર્યો. ત્યારબાદ એક અન્ય બૉડીગાર્ડ સલમાનના પર્સનલ બૉડીગાર્ડ શેરા સાથે પોલિસવાળા સલમાનને લઈ જાય છે.

સલમાનને મળી ધમકી

તમને જણાવી દઈએ કે રવિવારે સલમાન ખાનને જાનથી મારી નાખવાની ધમકી મળી હતી. જે બાદ તેમની સુરક્ષા વધારી દેવામાં આવી છે. મહારાષ્ટ્રના ગૃહ મંત્રાલયે સલમાનની સુરક્ષા વધારવાનો નિર્ણય લીધો છે. સલમાન ખાનના પિતા સલીમ ખાનને 5 જૂને એક પત્ર મળ્યો હતો જેમાં તેમને અને તેમના પુત્ર સલમાન ખાનને જાનથી મારી નાખવાની ધમકી આપવામાં આવી હતી. આ પત્રમાં લખવામાં આવ્યુ છે કે સલમાન ખાનની હાલત પણ પંજાબી સિંગર સિદ્ધુ મૂસેવાલા જેવી થશે. પત્રને ગંભીરતાથી લેતા મહારાષ્ટ્રના ગૃહ મંત્રાલયે સલમાન ખાનની સુરક્ષા વધારવાનો નિર્ણય કર્યો છે.

View this post on Instagram

A post shared by WALL OF FAME (@wof.ficial_)

સિદ્ધુ મૂસેવાલાની થઈ હત્યા

ઉલ્લેખનીય છે કે 29 મેના રોજ પંજાબના પ્રખ્યાત ગાયક સિદ્ધુ મુસેવાલાની ગોળી મારીને હત્યા કરવામાં આવી હતી. આ હત્યા પંજાબની કુખ્યાત લોરેન્સ બિશ્નોઈ ગેંગ દ્વારા કરવામાં આવી હતી, જેની પુષ્ટિ ગેંગના અન્ય સભ્ય ગોલ્ડી બ્રારે તેની ફેસબુક પોસ્ટ દ્વારા કરી હતી. તમને જણાવી દઈએ કે લોરેન્સ બિશ્નોઈએ વર્ષ 2018માં સલમાન ખાનને મારી નાખવાની ધમકી આપી હતી. સદનસીબે, યોજના સફળ થાય તે પહેલા, પોલીસે ગેંગસ્ટરને પકડી લીધો.

સીસીટીવી ચેક કરી રહી છે પોલિસ

હાલમાં સલમાન ખાન અને તેના પિતાને ધમકીઓ મળી છે આવી સ્થિતિમાં પોલીસ દ્વારા કોઈ માહિતી આપવામાં આવી નથી. બિશ્નોઈ જૂથે સલમાન ખાનને આ ધમકી આપી છે કે કેમ તે અંગે પોલીસ તપાસ કરી રહી છે. માહિતી મુજબ તપાસકર્તાઓએ વિસ્તારના 200થી વધુ સીસીટીવી કેમેરામાંથી ફૂટેજ એકત્ર કર્યા છે જેણે બાંદ્રા બેન્ડસ્ટેન્ડની બેન્ચ પર પત્ર મૂક્યો હતો જ્યાં સલીમ ખાન રવિવારે સવારે મૉર્નિંગ વૉક પછી બેઠા હતા.

English summary

The Mumbai Police on Monday enhanced bollywood actor Salman Khan’s security and deployed a van outside his residence.