Big Bના જન્મદિવસે સની લિયોને પણ કર્યું આ રીતે સેલિબ્રેશન

સની લિયોન તેની બાળકીના કારણે ફરી ચર્ચાનું કારણ બની છે. તેણે તેની પુત્રી માટે કર્યું છે કંઇક ખાસ, જેના કારણે તે ચર્ચામાં આવી છે. આ અંગે વધુ વાંચો અહીં..

By Kajal

Updated: Thursday, October 12, 2017, 17:52 [IST]

બોલીવૂડ એક્ટ્રેસ સની લિયોન હંમેશા કોઇને કોઇ કારણે સતત ચર્ચામાં રહેતી હોય છે. આ વખતે તેની ચર્ચાનું કારણ છે તેની દત્તક બાળકી નિશા કૌર વેબર. સની લિયોન અને તેના પતિ ડેનિયલ વેબરે થોડા સમય પહેલા જ આ બાળકીને દત્તક લીધી હતી. તેમણે એ બાળકીના જન્મદિવસની ઉજવણી કરતો ફોટો શેર કર્યો હતો.

નિશા કૌર વેબર

સનિ લિયોની અને પતિ ડેનિયલ વેબરે તેમની દત્તક બાળકી સાથે હાલ એરિઝોનમાં વેકેશન માણી રહ્યા છે, ત્યારે તેમણે મહાનાયક અમિતાભ બચ્ચનના જન્મદિવસે જ પોતાની બાળકીનો જન્મદિવસ ઉજવ્યો હતો. નિશા કૌર વેબરની જન્મ તારીખ કોઈ જાણતું ન હતું. આથી સની અને તેના પતિએ 11 ઓક્ટોબરના રોજ નિશાનો જન્મદિવસ ઉજવ્યો હતો.

નિશા લાગે છે બેબી ડોલ

સની લિયોનીએ નિશાના જન્મ દિવસનો ફોટો શેર કર્યો હતો, જેમાં તેની પુત્રી બિલકુલ બેબી ડોલ જેવી લાગી રહી હતી. આ ફોટોમાં નિશાએ નેવી બ્લુ રંગનું ફ્રોક અને માથા પર નાનો તાજ પહેર્યો છે. થોડા દિવસ પહેલા મુંબઇ મિરર સાથે વાત કરતા સની લિયોને જણાવ્યુ હતું કે, નિશા ભગવાન તરફથી મળેલી સુંદર ભેટ છે. હું સતત એ વાતનું ધ્યાન રાખું છું કે નિશાને આ નવા વાતવરણમાં કોઈ અડચણ ન આવે.

પોસ્ટરના કારણે વિવાદ

થોડા સમય પહેલા નવરાત્રીમાં સની લિયોન ગુજરાતમાં લાગેલા પોસ્ટરના કારણે વિવાદોમાં ફસાઇ હતી. જેમાં નવરાત્રીના પાવન અને પવિત્ર અવસર પર આપત્તિજનક વસ્તુના ઉપયોગની જાહેરાતના પોસ્ટરો લગાવવામાં આવ્યા હતા. એ બાદ સની લિયોનની ઘણી આલોચના થઈ હતી. બાદમાં એ પોસ્ટર ઉતારી લેવામાં આવ્યા હતા.

સનીએ ખરીદી કાર

બોલિવૂડમાં સની લિયોનની લોકપ્રિયતા દિવસે ને દિવસે વધતી જાય છે. સની અને તેના પતિની લાઇફ ઘણી લક્ઝૂરિય છે. સની લિયોનીએ થોડા સમય પહેલા જ 1.14 કરોડની કાર ખરીદી છે. આ કાર ઇટલીની પ્રખ્યાત લક્ઝરી કાર નિર્માતા કંપની Maserati એ ખાસ સની માટે બનાવી છે. તેની આ સ્પેશ્યલ આવૃત્તિ નામ Ghibli Nerissimo રાખવામાં આવ્યું છે. આ કારને ખરીદ્યા બાદ સનીએ તેની તસવીર પોતના ઇન્ટાગ્રામ પર પોસ્ટ કરી હતી. આ કારમાં 20 ઇંચ બ્લેક વ્હીલ, કાળા રંગની ગ્રિલ, બ્લેક લેદર ઇન્ટીરિયલ, ડાર્ક મિરર, ફ્રાંડ રિયલ પાર્કિંગ સેંસર અને રિમોટ સ્ટાર્ટ જેવી આધુનિક સિસ્ટમથી સજ્જ છે.