સન્ની દેઓલ રાજકારણમાં, લુધિયાણાથી ચૂંટણી લડશે

મુંબઈ, 19 ઑગસ્ટ : ફિલ્મોમાં એક સફળ ઇનિંગ રમ્યા બાદ આજે પણ સક્રિય અભિનેતા સન્ની દેઓલ આગામી લોકસભા ચૂંટણીમાં પોતાના રાજકીય કૅરિયરની શરુઆત કરી શકે છે. એવું કહેવાય છે કે તેઓ અકાલી દળની ટિકિટ ઉપર લુધિયાણા બેઠક ઉપરથી ચૂંટણી લડશે.

સન્ની દેઓલ લોકસભા ચૂંટણી 2009માં પણ અકાલી દળ માટે ચૂંટણી પ્રચાર કરી ચુક્યાં છે. સન્ની અગાઉ તેમના પિતા ધર્મેન્દ્ર પણ લોકસભા ચૂંટણી 2009માં ભાજપ તરફથી બીકાનેર બેઠક ઉપરથી ચૂંટણી લડી ચુક્યાં છે. સન્ની દેઓલના રાજકારણમાં પદાર્પણ બાદ તેઓ પણ તેવા અભિનેતાઓની યાદીમાં શામેલ થઈ જશે કે જેમણે સામાન્ય પ્રજાનું પ્રતિનિધિત્વ કર્યું હોય. આ યાદીમાં સુનીલ દત્ત, ગોવિંદા, સંજય દત્ત, અમિતાભ બચ્ચન તથા રાજેશ ખન્ના જેવા અભિનેતાઓનો સમાવેશ થઈ ચુક્યો છે. જોકે સુનીલ દત્ત ઉપરાંત મોટા ભાગના અભિનેતાઓ રાજકારણના મેદાને નિષ્ફળ જ રહ્યાં છે.

સુનીલ દત્તના પુત્ર સંજય દત્ત સમાજવાદી પક્ષ સાથે જોડાયા, પણ ટુંકમાં જ તેઓ રાજકારણથી દૂર થઈ ગયાં. ફિલ્મી સિતારાઓનું રાજકારણમાં આવવા પાછળનું કારણ મોટાભાગે તેમની સ્ટાર પાવર હોય છે, પણ રાજકારણમાં સફળતા મોટો પડકાર હોય છે. જોઇએ હવે સન્ની દેઓલ લોકસભા ચૂંટણી 2014 સાથે પોતાની આ ઇનિંગમાં કેવીક સફળતા મેળવે છે.

English summary

Some media reports say film actor Sunny Deol will contest in Loksabha election in 2014 from Ludhiana. He is ready to join Akali dal.