સાઉથના એક્ટર સુધીર વર્માએ કરી આત્મહત્યા, ઝેર પીને જીવન ટુંકાવ્યુ, કામ ન મળતા ડિપ્રેશનમાં હતા

સાઉથના લોકપ્રિય અભિનેતા સુધીર વર્માએ 33 વર્ષની વયે આત્મહત્યા કરી લીધી હતી. પોલીસના જણાવ્યા અનુસાર, 10 જાન્યુઆરીએ તેણે ઝેર ખાઈને આત્મહત્યા કરવાનો પ્રયાસ કર્યો હતો. જ્યારે તેમની તબિયત બગડી તો તેઓ હૈદરાબાદમાં તેમના સંબંધીના ઘરે ગયા, જ્યાં તેમણે ઝેર પી લીધાની વાત કરી. ત્યારથી તેમની હૈદરાબાદની ઓસ્માનિયા હોસ્પિટલમાં સારવાર ચાલી રહી હતી પરંતુ તેમને બચાવી શકાયા ન હતા. રિપોર્ટ્સ અનુસાર, સુધીર સારૂ કામ ન મળવાને કારણે ડિપ્રેશનમાં હતો.

23 જાન્યુઆરીએ થયુ મોત

21 જાન્યુઆરીએ તેમની તબિયત બગડતાં તેમને વિશાખાપટ્ટનમની એક ખાનગી હોસ્પિટલમાં દાખલ કરવામાં આવ્યા હતા. ત્યાં તેની સારવાર ચાલી રહી હતી. ગઈકાલે એટલે કે 23 જાન્યુઆરીએ તેમનું નિધન થયું હતું. અભિનેતા સુધાકર કોમકુલાએ સોશિયલ મીડિયા પર ફોટો શેર કરતા આ માહિતી આપી હતી.

કામ ન મળવાના કારણે ડિપ્રેશનમાં હતો સુધીર

મીડિયા રિપોર્ટ્સ અનુસાર સુધીર લાંબા સમયથી સારા રોલ અને કામ ન મળવાને કારણે ડિપ્રેશનમાં હતો. જેના કારણે તેણે આપઘાત જેવું પગલું ભર્યું હતું. જો કે હજુ સુધી આનું સત્તાવાર કારણ બહાર આવ્યું નથી.

ભાવુક થયા સુધીરના મિત્ર

સુધીર વર્માના મિત્ર અને કો-સ્ટાર સુધાકર કોમકુલે સોશિયલ મીડિયા પોસ્ટ દ્વારા તેમને શ્રદ્ધાંજલિ આપી. સુધાકરે પોતાના ટ્વીટમાં લખ્યું- આટલો સુંદર અને સરસ વ્યક્તિ. તમારી સાથે કામ કરીને આનંદ થયો. હું માની શકતો નથી કે તમે હવે આ દુનિયામાં નથી. ઓમ શાંતિ.' આ સિવાય અભિનેત્રી ચાંદની ચૌધરીએ ટ્વીટમાં લખ્યું- સુધીર, તારા જવાથી મારું દિલ તૂટી ગયું છે, તું એક મહાન અભિનેતા હતો. અમે તમને મિસ કરીશું.

English summary

South actor Sudhir Verma commits suicide, ends his life by drinking poison