Pics : શાહરુખનો બસ્સો કરોડનો બંગલો, સલમાન વગર અધૂરો!

Updated: Monday, August 5, 2013, 11:31 [IST]

મુંબઈ, 5 ઑગસ્ટ : આખરે બાબા સિદ્દીકી દ્વારા શરુ કરાયેલ ચર્ચા પરાકાષ્ઠાએ ન પહોંચી શકી. બૉલીવુડના કિંગ ખાન અને દબંગના પુનર્મિલનની શરુ કરાયેલી કવાયત અધવચ્ચે અટવાઈ પડી. શાહરુખના દુબઈ ખાતે આવેલ 200 કરોડ રુપિયાના ભવ્ય બંગલે ઇફ્તારી પાર્ટી તો યોજાઈ, પણ આમંત્રણ છતાં સલમાન ખાન પહોંચ્યાં નહીં. અરે સલમાન તો શું? આ પાર્ટીમાં કૅમેરામૅન કે ફોટોગ્રાફર સુદ્ધાને આવવાની પરવાનગી નહોતી અપાઈ. સલમાન વગર આ બંગલે યોજાયેલ ઇફ્તાર પાર્ટી જાણે અધૂરી જ રહી ગઈ.

કોંગ્રેસના ધારાસભ્ય બાબા સિદ્દીકી દ્વારા ગત મહીને યોજાયેલી ઇફ્તાર પાર્ટીમાં સલમાન ખાન અને શાહરુખ ખાન વચ્ચે અદ્ભુત મિલન તો થયું અને મીડિયાએ ચર્ચા છેડી દીધી કે બંને વચ્ચેની દુશ્મની કદાચ ખતમ થઈ ગઈ. એટલું જ નહીં, બંને જે રીતે ઉત્સાહપૂર્વક એક-બીજાને ભેટ્યા હતાં, તેથી લાગ્યુ હતું કે આગામી સમયમાં અવારનાર અમુક પ્રસંગોએ બંને મળશે અને દુશ્મનીના વાદળા વિખેરાતાં જશે.

શાહરુખ ખાને આ દિશામાં પ્રયત્ન પણ કર્યો જ. શાહરુખ ખાનના દુબઈ ખાતે આવેલ ભવ્ય બંગલામાં ગત 1લી ઑગસ્ટે ઇફ્તાર પાર્ટીનું આયોજન કરાયું. મીડિયામાં જેવી ચર્ચા હતી, એવું જ થયું. શાહરુખ ખાન સલમાનને આમંત્રણ આપવાનું ચુક્યાં નહીં, પણ શાહરુખ-સલમાનના ફૅન્સ ઉપરાંત મીડિયા અને બૉલીવુડ જગતના તમામ લોકો ત્યારે નિરાશ થઈ ગયાં કે જ્યારે સલમાન ખાન આ પાર્ટીમાં ન પહોંચ્યાં.

ખેર, આવો આપણે જોઇએ શાહરુખના દુબઈ ખાતે આવેલા ભવ્ય બંગલાની તસવીરો :